„ჩვენმა მოქალაქეებმა გვითხრეს, რომ პარლამენტი არის ის ადგილი სადაც უნდა წყდებოდეს ქვეყნის ბედი და არა ქუჩა“, - ამის შესახებ პრემიერ-მინისტრმა გიორგი გახარიამ განაცხადა.

გახარია დარწმუნებულია, რომ აღნიშნული პოლიტიკურ სპექტრს ძალიან კარგად ესმის.

„პოლიტიკური პროცესის შეფასება დღეს სულ უფრო და უფრო მეორეხარისხოვანი ხდება. ჩვენი მოქალაქეებისა და საზოგადოების დავალება არის, რომ პოლიტიკური მდგომარეობიდან სწრაფი გამოსავალი უნდა ვიპოვოთ. დარწმუნებული ვარ, რომ პოლიტიკური სპექტრი ამას სრულად იაზრებს. კარგად  მესის, რომ გარკვეული დესტრუქციული ნაბიჯები გაგრძელდება,თუმცა ყველა კარგად უნდა შევთანხმდეთ, რომ მსგავს დესტრუქიულ პროცესებს ჩვენი მოქალაქეების მხარდაჭერა არ ექნება.

ყველა ძალას, მმართველსაც და ოპოზიციასაც კარგად უნდა გვესმოდეს, რომ საქართველოს მოქალაქის მანდატი იყო პირველ რიგში ერთობლივად მოვუაროთ ქვეყანას და დიალოგს ალტერნატივა არ აქვს. ეს არის  თითოეული პოლიტიკური ძალის პასუხისმგებლობა და ეს არის პასუხისმგებლობა გამოწვევებით სავსე ეპოქაში.

ჩვენმა მოქალაქეებმა გვითხრეს, რომ პარლამენტი არის ის ადგილი სადაც უნდა წყდებოდეს ქვეყნის ბედი და არა ქუჩა. დარწმუნებული ვარ პოლიტიკურ სპექტრს ძალიან კარგად ესმის ეს და დარწმუნებული ვარ ყველას ეყოფა პასუხისმგებლობა სწორად გაიგოს ეს მესიჯი“, - განაცხადა გიორგი გახარიამ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

ცოტნე ივანიშვილი დვალიშვილს - ვერაფერს დაგაკლებს ის არაკაცური საქციელი, რაც შენს წინააღმდეგ ჩაიდინეს

ზურაბიშვილი - ჩვენ უკიდურესად რეპრესიულ გარემოში ვცხოვრობთ, სადაც ყოველი მეორე ადამიანი ციხეშია

აზერბაიჯანული მედია: ალიევი და ფაშინიანი შესაძლოა დუბლინში შეხვდნენ

თიბისი ბიზნესის 5 სიახლე, რომლებიც ბიზნესების ყოველდღიურობას მნიშვნელოვნად ამარტივებს