"საქართველოს სახელმწიფოთაშორისო ურთიერთობებიც კი არ აქვს რუსეთთან, ამაზე მაღალი ფორმა სანქციების აღარ არსებობს", - ამის შესახებ პრემიერ-მინისტრის სპეციალურმა წარმომადგენელმა რუსეთთან ურთიერთობის საკითხებში ზურაბ აბაშიძემ ევროსაბჭოში რუსეთისთვის  ხმის უფლების  აპრილამდე შეჩერებასა და სანქციებთან დაკავშირებით დასმულ კითხვაზე საპასუხოდ განაცხადა.

აბაშიძის  განმარტებით, სანქციების  თვალსაზრისით,  საქართველო იმ სტანდარტებს აკმაყოფილებს, რასაც-საერთაშორისო მეგობრობა რუსეთს უწესებს.

"ჩვენი დამოკიდებულება ასეთია, რომ საქართველოს სახელმწიფოთაშორისო ურთიერთობებიც კი არ აქვს რუსეთთან. დიპლომატიური ურთიერთობები არ გვაქვს. ამაზე მაღალი ფორმა სანქციების აღარ არსებობს. ძალიან მცირე ურთიერთობა სავაჭრო სფეროში.  განახლდა სატრანსპორტო კომუნიკაციები. ასე რომ, საქართველო შეიძლება ითქვას, ამ თვალსაზრისით ყველანაირად აკმაყოფილებს იმ სტანდარტებს, რასაც საერთაშორისო თანამეგობრობა, ჩვენი დასავლელი პარტნიორები უწესებენ რუსეთს.  ჩვენ მუდმივი კონსულტაციები გვაქვს მათთან. ახლაც ალბათ გავივლით უახლოეს მომავალში და გავაგრძელებთ ამ პოლიტიკას, რაც პრინციპში ყველაზე ოპტიმალური და პრაგმატულია",-განაცხადა ზურაბ აბაშიძემ.

კითხვაზე-იმ მიზეზთა ჩამონათვალში,  რის გამოც რუსეთს სანქციები დაეკისრა, უკრაინასთან ერთად საქართველოს მოხვედრა, მოახდენს თუარა გავლენას თქვენსა და კარასინს შორის მოლაპარაკებებზე, აბაშიძემ განაცხადა, რომ არ ჰგონია,  ასე მოხდეს. ამასთან, ზურაბ აბაშიძის ინფორმაციით, კარასინსა და მას შორის შეხვედრა  ჯერჯერობით დაგეგმილი არ არის.

შეგახსენებთ, ევროსაბჭოს საპარლამენტო ასამბლეამ მიიღო გადაწყვეტილება, რუსეთის დელეგაციას ხმის უფლება აპრილამდე არ მისცეს. ცნობისთვის,  ევროსაბჭომ რუსეთს ხმის უფლება ყირიმის ანექსიის გამო ჩამოართვა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში