სააკაშვილის განცხადებით, თუ „ქართული ოცნება“ პარლამენტში შევა, იქნება ოლიგარქატი, მონობა, სიბანძე „ფორევერ“

2020-11-09 22:53:44, 736 ნახვა

პოლიტიკა

„იქნება ივანიშვილი, ოლიგარქატი, მონობა, განუვითარებლობა, სიბანძე ფორევერ, თუ ჩვენ მივეცით საშუალება მათ შევიდნენ პარლამენტში", - ამის შესახებ საქართველოს ყოფილმა პრეზიდენტმა, მიხეილ სააკაშვილმა ფეისბუქ ლაივის დროს განაცხადა.

სააკაშვილის თქმით, საქართველოში მიმდინარე პოლიტიკური პროცესები და აქციები იმედისმომცემია.

„ვისაც ახსოვს ვარდების რევოლუცია მან იცის კარგად, რომ ვარდების რევოლუცია ბერვად ნაკლები იყო იმაზე, რაც ახლა საქართველოში დაიწყო. მინდა ვთქვა, რომ ის რაც ახლა ხდება საქართველოში ბევრად უფრო იმედისმომცემია იმიტომ რომ გაერთიანდა მთელი პოლიტიკური სპექტრი. მხარს ვუჭერს ოპოზიციის ინიციატივებს. როდის მოხდა ვარდების რევოლუცია, როცა ხალხი მიხვდა რომ დაეტაკა კედელს, უკუნეთს სადაც იყო შევარდნაძე ფორევერ, ახლა ჩვენ ვართ სიტუაციაში როცა ესაა ივანიშვილი, ოლიგარქატი, მონობა, განუვითარებლობა, სიბანძე, ფორევერ, თუ ჩვენ მივეცით საშუალება მათ შევიდნენ პარლამენტში და ვითომ არაფერი არ ხდება დაიწყონ საქმიანობა“, - განაცხადა სააკაშვილმა.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან