2020-11-09 15:11:21, 683 ნახვა

---

გიორგი ბარამიძე - ხელისუფლებასა და ოპოზიციას შორის დიალოგიის აუცილებელი მონაწილეები ივანიშვილი და სააკაშვილი უნდა იყვნენ

ხელისუფლებასა და ოპოზიციას შორის დიალოგიის აუცილებელი მონაწილეები დიქტატორი ივანიშვილი და პრეზიდენტი სააკაშვილი უნდა იყვნენ, - ამის შესახებ „ნაციონალური მოძრაობის“ წევრი გიორგი ბარამიძე „ფეისბუქის“ სოციალურ ქსელში წერს.

როგორც ბარამიძე აღნიშნავს, სააკაშვილი და ივანიშვილი ორივე მხარის ძლიერი ფიგურები არიან, რაც სრულფასოვან და ეფექტურ დიალოგს სეუწყობს ხელს.

„თუ დასავლეთის სახელმწიფოები ხელისუფლებასა და ოპოზიციას შორის დიალოგს დაუჭერენ მხარს, თუ მათ სურთ,  რომ ეს დიალოგი იყოს სრულფასოვანი და ეფექტიანი  შედეგის მომტანი, მაშინ ამ დიალოგის აუცილებელი მონაწილეები (სხვებთან ერთად) უნდა იყვნენ ორივე მხარის, რეალურად ყველაზე ძლიერი, ფიგურებიც,

ანუ პირადად დიქტატორი ივანიშვილი და პრეზიდენტი სააკაშვილი. 

ამისათვის საჭიროა მათი (დასავლეთის სახელმწიფოთა) მონდომება და ხელისუფლების ნება დამდგარი პოლიტიკური (პანდემიურ, ეკონომიკურ, სოციალურ, სავალუტოს თან ერთად) კრიზისი ცივილიზირებულად და დემოკრატიულად დაიძლიოს“, - წერს ბარამიძე.  

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი