ისეთი კონფიგურაცია დაჯდა, რომ პრაქტიკულად მძევლები არიან ოპოზიციონერები, - ამის შესახებ ფინანსთან მინისტრმა ივანე მაჭავარიანმა 31 ოქტომბრის არჩევნების საბოლოო შედეგებთან დაკავშირებით განაცხადა.

მისი თქმით, მმართველ გუნდისთვის უკეთესი იქნებოდა, რომ არჩევნებში „ნაციონალურ მოძრაობაზე“ მეტი ხმა სხვა პარტიებს აეღოთ.

„ყველა პოლიტიკურ ელიტაში  იციან, რომ არჩევნები იყო კონკურენტული და სამართლიანი. სამწუხაროდ რეალობა ასეთია, რომ ისეთი შედეგი დადგა, რომელსაც არც ოპოზიციური ნაწილი და არც ჩვენ არ ველოდებოდით. ბევრმა პოლიტიკურმა პარტიამ აიღო საკმაოდ დაბალი მაჩვენებელი, რაც უზღუდავთ მათ პოლიტიკური მოღვაწეობის არეალს და დიაპაზონს. მოლოდინი იყო, რომ ბევრი მათგანი აიღებდა გაციელბით უფრო მეტს და „ნაციონალური მოძრაობა“ უფრო ნაკლებს, მაგრამ მოხდა ის, რომ ისეთი კონფიგურაცია დაჯდა, რომ პრაქტიკულად მძევლები არიან ოპოზიციონერები ამ შედეგის. არ გეგონოთ, რომ ვინმე არის ბედნიერი ამ შედეგით. ალბათ, ჩვენც გვერჩივნა, რომ „ნაციონალურ მოძრაობას“ ამდენი არ აეღო და აეღო სხვას. ეს არის ზუსტად ის, რაც აისახა ჩვენი ამომრჩევლის ნებიდან“, - განაცხადა ივანე მაჭავარიანმა.

ავტორი: ექსპრესნიუსი,

სოციალური ქსელები

ცოტნე ივანიშვილი დვალიშვილს - ვერაფერს დაგაკლებს ის არაკაცური საქციელი, რაც შენს წინააღმდეგ ჩაიდინეს

ზურაბიშვილი - ჩვენ უკიდურესად რეპრესიულ გარემოში ვცხოვრობთ, სადაც ყოველი მეორე ადამიანი ციხეშია

აზერბაიჯანული მედია: ალიევი და ფაშინიანი შესაძლოა დუბლინში შეხვდნენ

თიბისი ბიზნესის 5 სიახლე, რომლებიც ბიზნესების ყოველდღიურობას მნიშვნელოვნად ამარტივებს