"პატრიოტთა ალიანსის" ერთ-ერთი ლიდერი გიორგი ლომია არჩევნების ტოტალურ გაყალბებასა და ხელახალი არჩევნების ჩატარების აუცილებლობაზე საუბრობს.

მისი განცხადებით, არავის აქვს უფლება, წაგართვან არჩევანი და თითოეული ადამიანის ვალია, საკუთარი ხმებისა და უფლებების დასაცავად იბრძოლოს. მისივე თქმით, "ქართულმა ოცნებამ" არჩევნების გაყალბებით შეურაცხყოფა მთელს საქართველოს მიაყენა.

ლომია მოსახლეობას ბრძოლისაკენ და 7 ნოემბერს, 17:00 საათზე, თავისუფლების მოედანზე "პატრიოტთა ალიანსის" მიერ დაანონსებულ აქციაზე მისვლისაკენ მოუწოდებს.

"არავის აქვს უფლება, წაგართვან არჩევანი! რატომ უნდა იბრძოლოთ ჩვენთან ერთად? საკუთარი ხმების დასაცავად ყველამ უნდა იბრძოლოს და თითოეულმა ჩვენგანმა ყოველთვის უნდა იბრძოლოს იმისათვის, რომ საკუთარი ხმა და საკუთარი უფლებები დავიცვათ! რაც შეეხება არჩევნებს - ბუნებრივია, ყველა ის ადამიანი, რომელიც თვლის, რომ მას ხმა და არჩევანი წაართვეს, პირველ რიგში საკუთარ თავთან, შემდეგ კი, ქვეყნის წინაშეა ვალდებული, წავიდეს და თავისი ხმა დაიცვას! ადამიანი, როდესაც პარტიას ხმას აძლევს, ის გარკვეულ იდეოლოგიას აძლევს ხმას და ამ არჩევანს როდესაც ართმევენ, ის ადამიანი თავს შეურაცხყოფილად გრძნობს და თავს იძულებულად თვლის, რომ გავიდეს და გააპროტესტოს ის უმსგავსობა, რასაც ხელისუფლება სჩადის! კიდევ ერთხელ ვიმეორებ, ადამიანმა უნდა იბრძოლოს იმისათვის, რომ დაიცვას თავისი ხმა და არჩევანი! ბუნებრივია, რომ ჩვენი ამომრჩეველი ჩვენთან ერთად ყველაფერს გააკეთებს იმისათვის, რომ ჩვენი ხმები დავიცვათ! ჩვენი მოთხოვნა ძალიან მარტივია - დაინიშნოს ხელახალი არჩევნები და ამ არჩევნებში ხელისუფლება არ ჩაერიოს. ეს არის ძალიან მარტივი მოთხოვნა, რასაც ვითხოვთ ჩვენ და ყველა საღად მოაზროვნე თავმოყვარე ადამიანი, რომელიც არავის არ აძლევს უფლებას, რომ არჩევანი წაართვან. ხელახალ არჩევნებში ხელისუფლება ვეღარ გაბედავს გაყალბებას, იმიტომ რომ ამ არჩევნებზე ჩვენი ამომრჩეველი უფრო ფხიზლად იქნება და მეტი დამკვირვებელიც ეყოლება ამ არჩევნებს! "ქართულმა ოცნებამ" მთელს საქართველოს შეურაცხყოფა მიაყენა, ხალხს თვალებში შეაფურთხა და უთხრა, რომ ქართველი ხალხის აზრი არ აინტერესებს! ჩვენ, "პატრიოტთა ალიანსი", ამას "ქართულ ოცნებას" არ ვაპატიებთ! ჩვენ ვებრძვით "ქართულ ოცნებას", რადგან ისინი ებრძვიან მთელს საქართველოს! ადამიანებს მინდა ვუთხრა, რომ ბრძოლას ყოველთვის აქვს აზრი! ბრძოლით არის მოსული არაერთი ხელისუფლება, ამიტომ 7 ნოემბერს, 5 საათზე მობრძანდით ჩვენს აქციაზე თავისუფლების მოედანზე და ჩვენ გაგაცნობთ მომავალ გეგმებს! ერთად აუცილებლად გავიმარჯვებთ!“, - განაცხადა გიორგი ლომიამ.

ავტორი: NS (სტატია დაფინანსებულია),

სოციალური ქსელები

IT სპეციალისტ გიორგი კვიცარიძეს რომელმაც პოლიციის განყოფილებაში წამების კადრები მოიპოვა, 17 წელი პატიმრობა შეუფარდეს

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო

ბუდუ ზივზივაძის მამა გველესიანის ინტერვიუზე - მოღალატეებს რომ უწოდებს თანაგუნდელებს, ნეტავ სინდისი არ აწუხებს?

გარემოს ეროვნული სააგენტო - ბათუმში 21 საათის განმავლობაში უწყვეტად წვიმდა - 24-საათში მოსული ნალექის რაოდენობა უპრეცედენტოა