მიხეილ სააკაშვილი - არავის არ უნდა შეეშინდეს, ყველა უნდა წავიდეს არჩევნებზე, რადგან ქვეყნის ბედი წყდება

2020-10-31 13:24:26, 2508 ნახვა

არავის არ უნდა შეეშინდეს, ყველა უნდა წავიდეს არჩევნებზე, რადგან ქვეყნის ბედი წყდება, - ამის შესახებ საქართველოს მესამე პრეზიდენტმა, მიხეილ სააკაშვილმა გავრცელებულ ვიდეომიმართვაში განაცხადა.

მისივე თქმით, ხელისუფლების გეგმა იყო, რომ არჩევნებზე არ ყოფილიყო საკმარისი რაოდენობის ხალხი, თუმცა ეს გეგმა ჩაეშალათ.

„მოგესალმებით, რაც არის ძალიან ნიშანდობლივი ამბავი საქართველოში და არის ძალიან მღალი აქტიურობა ჩვენი ამომრჩევლის. ნუ ეს მაგარია, იმიტომ რომ მთელი სახელისუფლებო პროპაგანდა იმაზე იყო მიმართული, რომ კოვიდია, არ წახვიდეთ, სახლში დაეტიეთ და როცა სახელისუფლებო რესურსი ისედაც მუშაობს და ისედაც მიჰყავთ, თუმცა, რა თქმა ისინი ყველა არ აძლევენ ხმას, ეს იყო მათი გეგმა, რომ არ ყოფილიყო საკმარისი რაოდენობის ხალხი. ეს გეგმა უკვე ჩაიშალა, დანარჩენი ახლა უკვე არის შემდგომი აქტიურობა, ძალიან ბევრი ხალხი გამოვიდა, არავის არ უნდა შეეშინდეს, ყველა უნდა წავიდეს საარჩევნო უბნებზე, ეს არის ძალიან, ძალიან, ძალიან მნიშვნელოვანი, იმიტომ რომ მართლა ქვეყნის ბედი წყდება და არა ვიღაც ცალკე აღებული ადამიანების შრომით მოწყობის. აბა თქვენ იცით“, - განაცხადა მიხეილ სააკაშვილმა.