„ხმა მივეცი, რომ „ლუნატიკმა“ დაასრულოს ქვეყნის წვალება და გავიდეთ სამშვიდობოს“,- ამის შესახებ „ევროპული საქართველოს“ ლიდერმა გიგი უგულავამ განაცხადა.

მისივე თქმით,  ქვეყანას სჭირდება მკაფიოდ პროევროპული მთავრობა, ის ვინც დაწევს გადასახადებს და რომელიც შეებრძოლება პანდემიას.

„ქვეყანას სჭირდება მკაფიოდ პროევროპული მთავრობა, ის ვინც დაწევს გადასახადებს , რომელიც შეებრძოლება პანდემიას , ქვეყანას აღარ სჭირდება ბატონი, ქვეყანას სჭირდება მმართველობა, რომელიც მოვა იმსახურებს და წავა. ამას მივეცი ხმა და ვიცი, რომ ასეთი ძალა სწორედ „ევროპული საქართველოა“.

მე მივეცი ხმა, იმას, რომ აშენდეს ზუგდიდში პორტი, რომელიც ივანიშვილმა გააჩერა. მე მივეცი ხმა, რომ ადგილობრივ მმართველობას ჰქონდეს თავისი ბიუჯეტი და არ იყურებოდეს ვინმეს წყალობაზე.

ინფრასტრუქტურა უნდა ვითარდებოდეს, არა მხოლოდ ცენტრში არამედ გარეუბნებშიც. მე მივეცი ხმა, რომ ზუგდიდი იყოს ამაყი და გამართული, არ იყოს უმუშევრობის პრობლემა. არავის ჰქონდეს მიტოვებულობის განცდა, მე მჯერა, რომ ზუგდიდი ყველაზე ძლიერ სიტყვას იტყვის“, - აღნიშნა უგულავამ.

მისივე თქმით, ერთ-ერთ უბანზე იყო პრობლემა, იყო ასევე მოძველბიჭო, კრიმინალური ტიპაჟების კონცენტრაცია.

„ერთ-ერთ უბანზე იყო პრობლემა, იყო ასევე მოძველბიჭო, კრიმინალური ტიპაჟების კონცენტრაცია უბნებზე. მინდა, დამკვირვებლებს მადლობა გადავუხადო, რადგან მათ კუდით ქვა ასროლინეს.

ასე მოუვა ყველა მოძალადეს, რომელიც ფეხს გამოყოფს და სოროდან გამოძვრება.

მე მინდა გავაფრთხილო ყველა საჯარო მოხელე, რადგან მუდმივი არაფერი არ არის დაემორჩილეთ და ჩაჯექით კანონის ფარგლებში“, - განაცხადა უგულავამ.

ავტორი: ექსპრესნიუსი,

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში