„ამერიკა მზადაა, უკრაინას საკრედიტო გარანტიების სახით კიდევ ერთი მილიარდი დოლარი  გადასცეს“,-ამის შეასხებ აშშ-ს ფინანსთა მინისტრმა ჯეიკობ ლიუმ „ბი ბი სი“-სთან ინტერვიუში განაცხადა. 

მისივე თქმით, აშშ მომავალ კვირაში კონგრესს ბიუჯეტის პროექტს დასამტკიცებლად წარუდგენს, სადაც უკრაინის  ეკონომიკის განვითარებისათვის დამატებითი დაფინანსების პუნქტებია გათვალისწინებული. 

„თუ მომავალ კვირას, კონგრესი ჩვენ მიერ წარდგენილ ბიუჯეტის პროექტს დაამტკიცებს, სადაც უკრაინის  ეკონომიკის დასახმარებლად დამატებითი დაფინანსების პუნქტებია ჩამატებული, მაშინ უკრაინის ხელისუფლებას ეკონომიკური რეფორმების განსახორციელებლად  საკრედიტო გარანტიების სახით,  ჯამში ორი მილიონი დოლარი გადაეცემა“,-განაცხადა ჯეიკობ ლიუმ.

მან ასევე აღნიშნა, რომ  აღმოსავლეთ უკრაინაში მიმდინარე შეიარაღებული დაპირისპირების გამო,  უკრაინის ეკონომიკა დაშლის პირას იმყოფება. ხოლო კიევში, უკრაინის პრეზიდენტ პეტრო პოროშენკოსთან შეხვედრისას  ჯეიკობ ლიუმ განაცხადა, რომ აშშ  აღმოსავლეთ უკრაინაში მიმდინარე კონფლიქტის მშვიდობიანი გზით  გადაჭრის  მომხრეა, თუმცა საჭიროების შემთხვევაში ამერიკა მზად არის  რუსეთზე ზეწოლა გააძლიეროს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

IT სპეციალისტ გიორგი კვიცარიძეს რომელმაც პოლიციის განყოფილებაში წამების კადრები მოიპოვა, 17 წელი პატიმრობა შეუფარდეს

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო

ბუდუ ზივზივაძის მამა გველესიანის ინტერვიუზე - მოღალატეებს რომ უწოდებს თანაგუნდელებს, ნეტავ სინდისი არ აწუხებს?

გარემოს ეროვნული სააგენტო - ბათუმში 21 საათის განმავლობაში უწყვეტად წვიმდა - 24-საათში მოსული ნალექის რაოდენობა უპრეცედენტოა