„ევროპული საქართველოს“ ზუგდიდის მაჟორიტარობის კანდიდატი გიგი უგულავა „ქართული მარშის“ კანდიდატ გიორგი გაბედავას დაუპირისპირდა.

როგორც უგულავამ აღნიშნა, გაბედავა „საქართველოს ბანკის“ ფილიალის თავდასხმის შედეგად მძევლად აყვანილ ზოგიერთ პირთან დაკავშირებით პროვოკაციულ განცხადებებს აკეთებდა.

მანვე მიმართა პოლიციელებს, რომ მათი ქმედება კანონის აბუჩად აგდებაა და მათ აუცილებლად მოეკითხებათ.

„ამ უუნარო ხელისუფლების მთელი დღე ჩვენ ვაკვირდებით, მას შემდეგ რაც აღმოაჩნიეს საცოდავი ადამიანი, რომელიც მძევალია, ჯერ გამოაცხადეს ნაც მოძრაობის წევრად, მერე უგულავასთან მუშაობდაო და ახლა მოვიდა გაბედავა და დაიწყო თქვენი ზონდერიაო.

ადამიანი მძევალია, ესეთი უსისხლძარღვო ხელისუფლება, გაბედავა ნოლია, შნირია, პრობლემაა ხელისუფლებაში, რა თქმა უნდა, მოიყვანეს ახლა და მათი პროპაგანდისტული ყველა საშუალება, კვარაცხელიას შეიძლება ხვალინდელი დღე არ გაუთენდეს და ეს ნაგვები პირდაპირ ადებენ ხელს, რომ პროვოკატორია, ესეთი უუნარო ხელისუფლება რომ არის. გაეთრევით ყველანი აქედან, ყველა პოლიციელს ვეუბნები, ვინც არ არის თავის საქმით დაკავებული, მოგეკითხებთ სათითაოდ. არც ერთი ხელისუფლება არ ყოფილა ამ ქვეყანაში „ვეჩნი“, მოგეკითხებათ, კანონის აბუჩად აგდებაა, რასაც ახლა აკეთებთ“, - განაცხადა გიგი უგულავამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

სააკაშვილი პატრიარქ შიო III-ს მოუწოდებს, ხელი შეუწყოს რუსული გავლენებისა და ნარატივების აღმოფხვრას

შიო III-ეს არის დიდი პატივიც და მძიმე ჯვარი

მიტროპოლიტი ისაია - მთავარი პრიორიტეტია საქართველოსთვის ზრუნვა, ვფიქრობ, ამ საქმეში პატრიარქი მარტო არ იქნება

კობახიძე - დღეს ჩვენი ეროვნული და სულიერი ცხოვრების ისტორიული ფურცელი გადაიშალა