დეკანოიძე უგულავას მიმართაზე - იმაზე საუბრით, რომ მიხეილ სააკაშვილი წარსულია, სასაცილო კონტექსტში გადადიან

2020-10-12 17:52:21, 979 ნახვა

პოლიტიკა

იმაზე საუბრით, რომ მიხეილ სააკაშვილი არის წარსული სასაცილო კონტექსტში გადადიან, - ასე გამოეხმაურა "ნაციონალური მოძრაობის" წევრი ხატია დეკანოიძე გიგი უგულავას ვიდეომიმართვას.

დეკანოიძის თქმით, სამწუხაროა, როდესაც ოპოზიციური პარტია საკუთარი თვითმყოფადობის გამოსააშკარავებლად სხვა ოპოზიციურ პარტიას და მის ლიდერს ესხმის თავს.

"ძალიან სამწუხაროა, როდესაც ოპოზიციური პარტია საკუთარი თვითმყოფადობის გამოსააშკარავებლად აი ამ მძიმე მდგომარეობაში, როდესაც ოლიგარქიული რეჟიმია, ცდილობს სხვა ოპოზიციურ პარტიას და მის ლიდერს დაესხას თავს. როდესაც საუბარია იმაზე, რომ თითქოს "ერთიანი ნაციონალური მოძრაობა" და მიხეილ სააკაშვილი არის წარსული და რეტროგრადული და ა.შ. მგონი, სასაცილო კონტექსტში გადადიან", - განაცხადა ხატია დეკანოიძემ.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან