2020-10-09 20:46:55, 754 ნახვა
კომენტარი
გამყრელიძის განცხადებით, საქართველოს ნაკრების თამაშზე „დინამო არენასთან“ ყველა რეკომენდაცია დაირღვა
დაავადებათა კონტროლის ცენტრის დირექტორის, ამირან გამყრელიძის განცხადებით, საქართველოს ნაკრების თამაშზე „დინამო არენასთნ“ შეკრებილმა გულშემატკივარმა ყველა რეკომენდაცია დაარღვია.
მან ასევე „დინამო არენაზე“ შეკრებილ გულშემატკივრებს თხოვნით მიმართა, აწარმოონ თვითმონიტორინგი.
„კი, ბატონო, დაირღვა, სასურველი იყო არ დარღვეულიყო, მაგრამ დაირღვა. მაგრამ ჩვენ ემოციური ხალხი ვართ და ასეთი დიდი გამარჯვება იზეიმეს ჩვენებმა. დავაკვირდეთ ახლა, ვთხოვ ვინც იქ იყო, აწარმოონ თვითმონიტორინგი, თუ ვინმეს დაეწყო სიმპტომები — ტემპერატურა, ხველა, სუნთქვის გაძნელება — მიმართონ შესაბამის ცხელების ცენტრს, ან 112-ში“ , - განაცხადა გამყრელიძემ.
ავტორი: ექსპრესნიუსი,
epn.ge (@expressnews.ge)
