ყველა სფეროში „ნაციონალური მოძრაობის“ მიერ გაფუჭებულის გამოსწორება გვიწევს, ეს ჩვენთვის ძალიან მძიმე ტვირთია, - ამის შესახებ „ქართული ოცნების“ აღმასრულებელმა მდივანმა, ირაკლი კობახიძემ პარტიის ოფისში გამართულ ბრიფინგზე განაცხადა.

მისი თქმით, „ქართულ ოცნებას“ უწევს წინა ხელისუფლების გაფუჭებულის გამოსწორება, მათ შორის ქვეყნის საზღვრებთან დაკავშირებითაც.

„ჩვენ ვხედავთ, რომ ყველა სფეროში გვიწევს გაფუჭებულის გამოსწორება. გაავლეს საზღვრები სამხრეთ ოსეთის და დღეს გვაქვს შედეგად მიღებული ოკუპაცია და ბორდერიზაცია. მათ გაფუჭებულს ვასწორებთ. ამ შემთხვევაში, რაც შეეხება საზღვრის საკითხს, დელიმიტაცია-დემარკაციის საკითხს, მათი გაფუჭებულის გამოსწორება გვიწევს.

ყველა სფეროში ასეა, ხო? სიღარიბე იქნება ეს, ეკონომიკა, საზღვრების გავლება თუ ოკუპაცია, ყველა სფეროში გვიწევს ნაცმოძრაობის მიერ გაფუჭებულის გამოსწორება და, რა თქმა უნდა, ეს არის ჩვენთვის ძალიან მძიმე ტვირთი, თუმცა, სახელმწიფოებრივი მიდგომა გულისხმობს იმას, რომ, მათ შორის, წინა ხელისუფლების გაფუჭებულიც უნდა გამოასწორო“, - განაცხადა ირაკლი კობახიძემ.

ავტორი: ექსპრესნიუსი,

სოციალური ქსელები

აზერბაიჯანული მედია: ალიევი და ფაშინიანი შესაძლოა დუბლინში შეხვდნენ

თიბისი ბიზნესის 5 სიახლე, რომლებიც ბიზნესების ყოველდღიურობას მნიშვნელოვნად ამარტივებს

Axios: ტრამპმა პუტინს ევროპასთან ახალი უსაფრთხოების შეთანხმების მომზადება შესთავაზა

“შუა დერეფანი და საქართველო” - თიბისი კაპიტალმა ბიზნესისა და დიპლომატიური კორპუსის წარმომადგენლებს კვლევა წარუდგინა