„ევროპული საქართველოს“ მაჟორიტარობის კანდიდატმა ვაკისა და საბურთალოს ოლქში, ელენე ხოშტარიამ განაცხადა, რომ აშშ-ს ელჩის, კელი დეგნანის განცხადება „ქართულმა ოცნებამ“ წინასაარჩევნოდ სერიოზულ გაფრთხილებად უნდა აღიქვას.

ხოშტარიას თქმით, მნიშვნელოვანია, რომ უცხოელი პარტნიორები აქტიურად აფიქსირებენ მათ პოზიციას წინასაარჩევნო გარემოსთან დაკავშირებით.

 „ჩვენი საერთაშორისო პარტნიორები და განსაკუთრებით, რა თქმა უნდა, ელჩები ადგილზე და ამერიკის ელჩი, არაერთხელ საუბრობდნენ იმაზე, რომ ეს არჩევნები უნდა ჩატარდეს ძალადობის დემონსტრირების გარეშე და ძალიან მნიშვნელოვანია, რომ ისინი აქტიურად აფიქსირებენ ამ პოზიციებს და საბოლოოდ, ამ გარემოს ექნება გავლენა, რამდენად იქნება აღიარებული ეს არჩევნები. ამიტომ კარგად უნდა გვესმოდეს, რომ ჩვენს პარტნიორებს, ჩვენი ქვეყნის გულშემატკივრებს აქვთ სრული ინფორმაცია იმაზე, რაც ხდება და ეს განცხადება “ქართულმა ოცნებამ” უნდა აღიქვას სერიოზულ გაფრთხილებად წინასაარჩევნო პერიოდში”, - განაცხადა ხოშტარიამ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

თიბისი კაპიტალმა მაკროეკონომიკური განახლება გამოაქვეყნა

სუხიშვილების ღია სცენა თაკარა ახალი პროგრამით ბრუნდება, ღონისძიებების მხარდამჭერია SOLO (რ)

STEM განათლება მთელი საქართველოსთვის - BOG-ისა და კომაროვის ერთობლივი პროექტი

მაკა ბოჭორიშვილი მარკო რუბიოს მიწვევით ვაშინგტონში მინისტერიალში მიიღებს მონაწილეობას