„ივანიშვილი და მისი პოლიტიკური კლოუნების გარემოცვა ცდილობს შეინარჩუნოს დღევანდელი ჭაობი“, - ამის შესახებ „ევროპული საქართველოს“ წევრმა გიგა ბოკერიამ განაცხადა.

ბოკერიას თქმით, ყველა ოჯახში ერთი და იგივე სურათია - უიმედობა, „ფეხებზე დაკიდება“.

 „ივანიშვილი და მისი პოლიტიკური კლოუნების გარემოცვა ცდილობს შეინარჩუნოს დღევანდელი ჭაობი, რომელიც კატასროფას უქადის ჩვენი ქვეყნის მომავალს, ჩვენ ამას ვხედავთ ყველა ოჯახში, ერთი და იგივე სურათია, უიმედობის, ფეხებზე დაკიდების და იმის, რომ დღევანდელი ვითარება არანაირ შანს არ აძლევს ჩვენ ქვეყანას და ჩვენ ოჯახებს წინსვლისა.

მთავრობა, რომელიც ემსახურება მოქალაქეებს და ძალიან მცირედით კმაყოფილდება და დანარჩენს უტოვებს ჩვენს ოჯახებს, რათა ჩვენ  საკუთარი შრომით მოვიპოვოთ ბედნიერება და კეთილდღეობა. ეს არის სწორედ გადასახადების დაწევა, კერძო საკუთრება, თავისუფალი სასამართლო ნაფიცი მსაჯულებით და რეალური თვითმმართველობა. ეს არის ევროპული საქართველოს გეზი და სწორედ ევროპული საქართველო ორივე მხრიდან თავდასხმის ქვეშ არის. ოცნების და ივანიშვილის პროპაგანდა ყველგან ჩვენზე იძახის, რომ ეს იგივე ნაციონალური მოძრაობაა, რადგან ეშინიათ ჩვენი ხედვის და იმ გარდამტეხი ცვლილებების, რომელთაც ჩვენ, ევროპული საქართველო მოვიტანთ. სააკაშვილის პროპაგანდა, ასევე იგივე ნიაღვარით გვაბრალებს შეკვრას ოცნებასთან, ამიტომ მნიშვნელოვანია, რომ ყველა ამომრჩეველმა იცოდეს  ჩვენი ვალდებულებები, რას გავაკეთებთ და რას არ გავაკეთებთ“, -აცხადებს ბოკერია.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

მაკა ბოჭორიშვილი მარკო რუბიოს მიწვევით ვაშინგტონში მინისტერიალში მიიღებს მონაწილეობას

პირს, რომელიც გორში დედა-შვილს დაეჯახა, პატიმრობა შეეფარდა

ენერგეტიკული კოლაფსი რუსეთში: უკრაინული დარტყმების ფონზე ,,გაზპრომმა” მუშაობა შეწყვიტა

ნაუსედა: ჩვენ გვაქვს სადაზვერვო ინფორმაცია, რომ რუსეთი ლიეტუვის ინფრასტრუქტურაზე თავდასხმებს გეგმავს