2020-09-23 13:29:39, 600 ნახვა
მსოფლიო
იტალიის საელჩო - ლუის სუარესმა იტალიური ენის გამოცდა თაღლითური გზით ჩააბარა
„ლუის სუარესმა იტალიური ენის გამოცდა თაღლითური გზით ჩააბარა“ , - ამის შესახებ იტალიის საელჩომ განაცხადა, რომელმაც აღნიშნული საკითხის გამოკვლევა უკვე დაიწყო.
ინფორმაციას იტალიური მედია საშუალებები ავრცელებენ.
არსებული ინფრომაციით, ტურინის „იუვენტუსი“ ურუგვაელ ფეხბურთელს იტალიაში გადმოსვლასა და იტალიურ პასპორტს სთავაზობდა, რისთვისაც სუარეს იტალიური ენის გამოცდა უნდა ჩაებარებინა.
როგორც გაირკვა, სუარესმა გამოცდა თაღლითური გზით ჩააბარა და B1-ის სერთიფიკატიც აიღო, იტალიური მედიის ინფორმაციით, აღნიშნული ფაქტის გამო ტრანსფერი ჩაიშალა.
შეგახსენებთ, რომ სუარესი მადრიდის „ატლეტიკოს“ ფეხბურთელი გახდა, ხოლო „იუვენტუსმა“ ალვარო მორატა შეიძინა.
ავტორი: ექსპრესნიუსი,
epn.ge (@expressnews.ge)
