თავად მოვხარშე სამზარეულოში „ნავიჩოკი", თვითმფრინავში მოვწრუპე და ჩავვარდი კომაში, - ასე ეხმაურება რუსი ოპოზიციონერი ალექსეი ნავალნი რუსეთის ფედერაციის პრეზიდენტის განცხადებას, სადაც პუტინმა აღნიშნა, რომ ნავალნის შეეძლო თავად მოეწამლა თავი.

აღნიშნულ განცხადებას ნავალნი სოციალურ ქსელში წერს.

„ვლადიმერ პუტინმა განუცხადა ფრანგ კოლეგას, რომ „ნავალნის შეეძლო, რომ თავად გადაეყლაპა საწამლავი“

კარგი ვერსიაა, ვთვლი, რომ იმსახურებს შესწავლას, თავად მოვხარშე სამზარეულოში „ნავიჩოკი“, წყნარად მოვწრუპე თვითმფრინავში და ჩავვარდი კომაში. მანამდე მოველაპარაკე მეუღლეს, მეგობრებსა და კოლეგებს, რომ თუ ჯანდაცვის სამინისტრო დაჟინებით მოითხოვდა, რომ სამკურნალოდ გერმანიაში გადავეყვანე, მათ არ უნდა დაეშვათ ეს. ომსკის საავადმყოფოში სიკვდილი და ომსკის მორგში მოხვედრა, სადაც სიკვდილის მიზეზად დაადგენდნენ, რომ „საკმარისი ვიცხოვრე“, - აი ჩემი ეშმაკური გეგმის საბოლოო მიზანი. პუტინმა მე მომიგო. მას ასე ადვილად ვერ გააცურებ. საბოლოოდ, მე, როგორც სულელს კომაში ყოფნა 18 დღე მომიწია, მაგრამ ჩემს მიზანს ვერ მივაღწიე, პროვოკაცია არ გამომივიდა“, - წერს ნავალნი "ინსტაგრამზე".

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან

მსოფლიო რაგბის მომავალი საქართველოში იკრიბება - 27 ივნისიდან ახალგაზრდული მსოფლიო ჩემპიონატი იწყება

ემანუელ მაკრონმა ვოლოდიმირ ზელენსკის მასსა და დონალდ ტრამპს შორის შეხვედრის ორგანიზება შესთავაზა