2020-09-22 15:38:50, 687 ნახვა
კომენტარი
ნათია მეზვრიშვილი - ეკონომიკის გაჩერების რესურსი არ არსებობს
სიტუაცია ჯერ კიდევ ექვემდებარება კონტროლს, - ამის შესახებ მთავრობის ადმინისტრაციის ხელმძღვანელმა ნათია მეზვრიშვილმა განაცხადა.
მისი თქმით, ეკონომიკის გაჩერებისა და მკაცრი შეზღუდვების დაწესების რესურსი არ არსებობს.
„სიტუაცია ჯერ კიდევ ექვემდებარება კონტროლს და მართვადია. პანიკის საფუძველი არ არსებობს. მკაცრ შეზღუდვებს მთელი ქვეყნის მასშტაბით არ ვაპირებთ. წერტილოვანი შეზღუდვები შეიძლება იქნეს გამოყენებული.
კიდევ ერთხელ მოგიწოდებთ, ეკონომიკის გაჩერებისა და მკაცრი შეზღუდვების დაწესების რესურსი არ არსებობს. ვეღარ ჩაიკეტება ეკონომიკა ეს დააზარალებს პირველ რიგში ჩვენს მოქალაქეებს. ამისთვის საჭიროა მაღალი პასუხისმგებლობის გამოჩენა“, - განაცხადა მეზვრიშვილმა.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
