„გავაშელიშვილი არის სიმბოლო, როგორ უნდა იბრძოლო სიცოცხლისთვის და გამარჯვებისთვის“ , - ამის შესახებ „ლოკომოტივის“ სპორტულმა დირექტორმა გიორგი ყიფიანმა სოციალურ ქსელში განაცხადა.

მან გაიხსენა ის პერიოდი, როდესაც „ლოკოს“ შემტევს მძიმე დიაგნოზი დაუდგინეს.

„2019 წლის იანვარი, საგურამოს ბაზა

ოფისში მივედი. ვიცი რომ გავაშას რაღაც პრობლემა აქვს, მაგრამ აქამდეც ქონია რაღაც მიკრო ტრავმები და ვფიქრობ რომ ისეთი არაფერია...

ველოდები გიორგი ჩანგელიას (ჩვენი გუნდის მთავარ ექიმს) რომ მოვიდეს და გვითხრას რა ხდება.

კარი იღება, შემოდის ჩანგელა:

- ყიფო, არ მაქვს კარგი ამბავი... გავაშას ძალიან ცუდი ანალიზი აქვს. სასწრაფოდ უნდა ვიმოქმედოთ.

- რა ჭირს ჩანგელ? (ვეკითხებით გაფითრებული...)

- ავთვისებიანი სიმსივნე. - ეხლა მივიღეთ პასუხი კლინიკიდან...

ყურებში რაღაც წუილი ჩამერთო და კაი ხანი არ გავიდა. მეც და მთელი სტაფი ჩუმად ვიდექით.

დაინიშნა უმძიმესი და გრძელვადიანი მკურნალობა. - ერთი ქვეყნიდან მეორეში სიარული და მოკლედ ათასი წვალება... აი ისეთი რა, რო ვერ უძლებენ!

აი ამ ფოტოზე, 2020 წლის 17 სექტემბერია - გავაშა მოსკოვის დინამოს კარში, თავის მეორე გატანილ გოლს ზეიმობს და გამარჯვებაში უდიდესი წვლილი შეაქვს.

მარტივად და მოკლედ რომ ვთქვა, ეს შემთხვევა ჩემთვის არის სიმბოლო თუ როგორ უნდა იბრძოლოს ადამიანმა სიცოცხლითვის და გამარჯვებისთვის...

დიდი მადლობა პირველ რიგში ჩემს გუნდს და ყველა იმ ადამიანს, ვისაც ჩვენთან ერთად გაეხარდა ეს ყველაფერი“ ,  განაცხადა გიორგი ყიფიანმა.

შეგახსენებთ, რომ თითქმის ერთი წლის წინ გავაშელიშვლს ავთვისებიანი სიმსივნე დაუდგინდა, ფეხბურთელმა დაავადება დაძლია და ერთი წლის შემდეგ პრინციპულ მეტოქეს, რუსეთის „დინამოს“ გამარჯვების გოლი გაუტანა.

ავტორი: ექსპრესნიუსი,

სოციალური ქსელები

უკრაინის უსაფრთხოების სამსახურმა ერთ თვეში მეორე დარტყმა განახორციელა ნავთობის სატუმბი სადგურზე, რომელიც მოსკოვს საწვავს ამარაგებდა

ალიანსი: რეჟიმმა უნდა იცოდეს, რომ ელენეს ჯანმრთელობის დაზიანებისთვის მოუწევთ პასუხისგება

ირანი აშშ-ს დაბომბვის შემდეგ ბაჰრეინს დაესხა თავს

ტეხასის შტატში სკოლებში ბიბლიის სავალდებულო შესწავლა დამტკიცდა, გადაწყვეტილებას აშშ-ს საკონსტიტუციო სასამართლოში გაასაჩივრებენ