2020-09-17 16:36:17, 767 ნახვა

---

ევროპარლამენტმა ნავალნის საქმეზე საერთაშორისო გამოძიების დაწყება და რუსეთისთვის სანქციების გამკაცრება მოითხოვა

ევროპარლამენტმა ალექსეი ნავალნის მოწამვლის საქმეზე საერთაშორისო გამოძიების დაწყება და რუსეთის წინააღმდეგ სანქციების გამკაცრება მოითხოვა, - ამის შესახებ დღეს მიღებულ რეზოლუციაშია საუბარი.

როგორც სააგენტო „მედუზას“ მიერ გავრცელებულ ინფორმაციაშია აღნიშნული, ევროპარლამენტის რეზოლუცია ასევე ითვალისწინებს რუსეთთან ურთიერთობის გადაფასებას, რაც გულისხმობს „ნორდ სტრიმ 2-ის“ შესაძლო გაჩერებას.

ამასთანავე, ევროპარლამენტი მხარს დაუჭერს რუსულ ოპოზიციას და იზოლაციაში მოაქცევს რუსეთს საერთაშორისო ეკონომიკური სახის ფორუმებზე.

ევროპარლამენტის რეზოლუციას რეკომენდაციის სახე აქვს და იურიდიულად არ არის დამტკიცებული.

სანქციების რეალობაში განხორციელებისთვის საჭიროა ევროკავშირის ყევლა წევრი ქვეყნის თანხმობა.

აღნიშნული რეზოლუციის განხილვა, ევროპარლამენტის სხვადასხვა ქვეყნების მინისტრების შეხვედრაზე, 21 სექტემბერს იგეგმება.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი