საქართველოში მიმდინარე მრავალეროვნული სწავლების „ღირსეული პარტნიორი 2020“ ფარგლებში საქართველოსა და გაერთიანებული სამეფოს ქვედანაყოფებმა ერთობლივი ურბანული ოპერაცია ჩაატარეს. ქართულ-ბრიტანული სწავლების კომპონენტი - დასახლებულ პუნქტში ოპერაცია ვაზიანის საწვრთნელ რაიონში გაიმართა, რომელსაც მხარს აშშ-ის სამხედრო პოლიციის მე-18 ბრიგადის პირადი შემადგენლობა უჭერდა.

ურბანული ოპერაციის მიზანი მოწინააღმდეგე მხარის მიერ დასახლებული პუნქტის გაწმენდა და მისი უსაფრთხოების უზრუნველყოფა იყო. სცენარის მიხედვით, ქართულ-ბრიტანულმა ასეულმა ერთობლივი პატრულირება განახორციელა და დასახლებულ პუნქტში მოწინააღმდეგე ძალების მიერ გამაგრებულ ორ შენობას შეუტია. შემდეგ კი, ასეულმა კორდონი მოაწყო და სამძებრო ოპერაციები განახორციელა.

ერთობლივ ურბანულ ოპერაციაში საქართველოს თავდაცვის ძალების აღმოსავლეთის სარდლობის IV მექანიზებული ბრიგადის 41-ე ბატალიონისა და გაერთიანებული სამეფოს დედოფლის გურქების ლოჯისტიკური პოლკის 28-ე ასეულის სამხედროები მონაწილეობდნენ.

ავტორი: NS (სტატია დაფინანსებულია),

სოციალური ქსელები

პუტინს აცნობეს ბენზინის წარმოების სწრაფად გაზრდის შეუძლებლობის შესახებ

რუბიო: აშშ ირანისა და ლიბანის მოლაპარაკებებს ერთმანეთისგან მიჯნავს, თუმცა „ირანის ფაქტორს“ აღიარებს

ხოშტარიას მკურნალობაში მისი მკურნალი რევმატოლოგი ჩაერთვება და გასინჯავს

პუტინი გაგლოევს: ოსებს შეუძლიათ იამაყონ თავიანთი წინაპრებით