ეროვნულ სასწავლო ცენტრ „კრწანისში“ საარტილერიო მომზადების სკოლის უმცროს ოფიცერთა მომზადების კურსი დასრულდა.

თავდაცვის სამინისტროს ინფორმაციით, კურსის გამოშვების საზეიმო ცერემონიალი სასწავლო ცენტრის სამწყობრო მოედანზე გაიმართა.

14 არტილერისტს სასწავლო პროგრამის წარმატებით დასრულება საქართველოს შეიარაღებული ძალების გენერალური შტაბის უფროსის პირველმა მოადგილემ, ბრიგადის გენერალმა ვლადიმერ ჩაჩიბაიამ და წვრთნებისა და სამხედრო განათლების სარდალმა, პოლკოვნიკმა ლევან ბერიამ მიულოცეს.

უმცროს ოფიცერთა საარტილერიო მომზადების კურსი 2 თებერვალს დაიწყო და დღეს დასრულდა. სასწავლო პროგრამის ფარგლებში სამხედრო მოსამსახურეებმა საარტილერიო ცეცხლის მართვის პროცედურები, საარტილერიო ბატარეის მართვა შეისწავლეს და შეიარაღებულ ძალებში არსებულ საარტილერიო შეიარაღებას პრაქტიკულად გაეცნენ.

დღეიდან უმცროს ოფიცერთა მომზადების კურსის სამხედროები სხვადასხვა საარტილერიო ქვედანაყოფში გადანაწილდებიან და საქართველოს შეიარაღებული ძალების გააგრძელებენ მსახურს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა