„პატრიოტთა ალიანსის“ ლიდერის, დავით თარხან-მოურავის განცხადებით, მისი პარტიის წარმომადგენლების აფხაზეთში ვიზიტის ორგანიზებისას პირადი კონტაქტები გამოიყენა, მათ შორის - მოსკოვში არსებული.

მისი თქმით, შერიგებისთვის მნიშვნელობა არ აქვს რა გზით მოხდა ოკუპირებულ რეგიონში გადასვლა.

„ჩვენ უნდა დავიწყოთ დიდი შერიგების პროცესი. რა თქმა უნდა ამ პროცესს მტრები ყველგან ჰყავს. მტრები ჰყავს თბილისში, სოხუმშიც და მოსკოვშიც. თუმცა ვიზიტის ორგანიზებისას მე პირადი კონტაქტები გამოვიყენე ცხადია, მათ შორის მოსკოვშიც გამოვიყენე კონტაქტები. როგორ გადავედით საზღვარზე შერიგებისთვის საერთოდ არ აქვს მნიშვნელობა, ვიღაცას მოსწონს, ვიღაცას არ მოსწონს. მე მათ მტრებად არ მოვიხსენიებ. არანაირი კრემლის დავალებით არ შევედით, ჩემი კონტაქტები გამოვიყენე ამ საქმის ორგანიზებისთვის“, - განაცხადა დავით თარხან-მოურავმა.

ცნობისთვის, „პატრიოტთა ალიანსის“ გენერალურმა მდივანმა, ირნა ინაშვილმა განაცხადა, რომ აფხაზეთში, ილორის ტაძარს ღვთისმშობლის ხატი შესწირა.

ავტორი: ექსპრესნიუსი,

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ