„ამ ინიციატივაზე ითქმის ზუსტად, ფიცი მწამს ბოლო მაკვირვებსო“, - ასე გამოეხმაურა „ევროპული საქართველოს“ წევრი სერგი კაპანაძე „ქართული ოცნების“ ინიციატივას, ამომრჩევლის იძულების, დაშინებისა და ხმის მიცემის ფარულობის დარღვევის შემთხვევებზე სანქციები გამკაცრდეს.

მისივე თქმით, „ქართული ოცნების“ მხრიდან წინასაარჩევნოდ მოსყიდვის, ამომრჩევლის იძულების და დაშინების ფაქტებზე არავინ დასჯილა.

„ამ ინიციატივაზე ითქმის ზუსტად, ფიცი მწამს, ბოლო მაკვირვებსო, რადგან ეს ყველაფერი ისედაც დასჯადი იყო, როგორც ჩანს, ახლა უნდათ, საერთაშორისო დამკვირვებლებთან გამოჩნდნენ თეთრი და ფუმფულა, რომ ახლა თურმე კანონში შეაქვთ ცვლილებები. მთავარი პრობლემა არის, ამ კანონს შემდეგ როგორ ასრულებენ და ვის მიმართ ასრულებენ, რადგან აქამდე არც ერთი შემთხვევა არ ყოფილა, როდესაც „ქართული ოცნების“ მიერ დაშინებული, მოსყიდული ან ამომრჩევლის იძულების გამო, რომელიმე საჯარო მოხელე ან „ქართული ოცნების“ თანამდებობის პირი ყოფილიყო დასჯილი. გვახსოვს ისეთი დიდი საქმეები, როგორიც არის მაგალითად კერზაიას საქმე, ძალადობა წინასაარჩევნო პერიოდში და არავინ დასჯილა. ალბათ არც ახლა იზამენ ამას“, – განაცხადა სერგი კაპანაძემ.

ავტორი: ექსპრესნიუსი,

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ