2020-08-18 15:42:05, 1198 ნახვა
მსოფლიო
ავღანეთის დედაქალაქ ქაბულში სარაკეტო ჭურვებით თავდასხმა მოხდა
ავღანეთის დედაქალაქ ქაბულში სარაკეტო ჭურვებით თავდასხმა მოხდა.
არსებული ინფორმაციით, აფეთქებისას ათი ადამიანი დაშავდა, მათ შორის ოთხი არასრულწლოვანი.
თავდასხმა ავღანეთის დამოუკიდებლობის დღეს დაემთხვა.
გავრცელებული ინფორმაციის თანახმად, თავდასხმა ქალაქის „მწვანე ზონაში“ მოხდა, სადაც საელჩოები და ნატოს ოფისი არის განლაგებული.
თავდასხმაზე პასუხისმგებლობა ჯერ არავის აუღია, თუმცა როგორც ადგილობრივი შსს იტყობინება, დაკავებულია ორი ეჭვმიტანილი.
შეგახსენებთ, რომ ავღანეთის ხელისუფლებასა და თალიბანს შორის სამშვიდობო მოლაპარაკებები განახლდა, რის საფუძველზეც გასულ კვირას ავღანეთის მთავრობამ თალიბანის წევრები გაათავისუფლა.
ავტორი: ექსპრესნიუსი,
epn.ge (@expressnews.ge)
