ექსპერტის ელენე ხოშტარიას შეფასებით, მთავრობა ქმნის ილუზიას, რომ რუსეთთან დავარეგულირებთ ურთიერთობას და ამავე დროს, ნატო-ს წევრი ქვეყანა გავხდებით.

ამის შესახებ ხოშტარიამ თბილისში მიმდინარე საერთაშორისო კონფერენციაზე სიტყვით გამოსვლისას განაცხადა.

მისი თქმით, მთავრობაში არის ჯგუფი, რომელიც პრორუსულად არის განწყობილი და აკეთებს გზავნილს, რომ რუსეთთან ვაჭრობა საქართველოს გადარჩენის ერთადერთი გზაა.

„მიუხედავად იმისა, რომ რუსეთმა ვერ შეძლო ვარდების რევოლუციის შეჩერება, მაინც ძალიან ძლიერად, აქტიურად და პროფესიონალურად შეცვალეს სტრატეგია. ჩვენზე ზეგავლენის მოსახდენად, მათ გააერთიანეს ძლიერი და სუსტი ძალა. რბილი ძალის გამოყენებით, რუსეთი ცდილობს ეტაპობრივად შეუმჩნევლად შეცვალოს საქართველოში პოლიტიკური ლანდშაფტი. ფაქტია, რომ ამჟამად მთავრობაში არის სულ მცირე ჯგუფი, მკაფიოდ პრორუსული ძალები, რომლებიც საკმაოდ ხმამაღლა საუბრობენ პრორუსულ შესაძლებლობებზე. ნინო ბურჯანაძე როგორც კი მოსკოვიდან ჩამოვიდა, მოკვდა როგორც პოლიტიკოსი, მაგრამ ახლა მარტო ბურჯანაძე კი არა, სამწუხაროდ, ამჟამინდელი მთავრობა ღიად უჭერს მხარს ამ დისკუსს, პრორუსულს, ანტიევროპულს. ფინანსური მხარდაჭერა აქვთ მედიას, აკეთებს ისეთ გზავნილს, რომ რუსეთთან ვაჭრობა არის გადამრჩენი საქართველოსი, რომ ჩვენ მთელი ეკონომიკა ამაზე უნდა ავაგოთ. ქმნის ილუზიას, რომ შეგვიძლია დავარეგულიროთ რუსეთთან ურთიერთობა და გავხდეთ ნატო-ს წევრები. საქართველოში დემოკრატიის მდგომარეობა დეგრადაციას განიცდის“, - განაცხადა ელენე ხოშტარიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში