2020-08-05 11:21:46, 2777 ნახვა

---

ამირან გამყრელიძე - მუშავდება შესაბამისი სტანდარტი, როგორ უნდა განთავსდნენ მოსწავლეები და სტუდენტები სასწავლებლებში

დაავადებათა კონტროლის ეროვნული ცენტრის ხელმძღვანელი ამირან გამყრელიძე აცხადებს, რომ მუშავდება შესაბამისი სტანდარტი, თუ როგორ უნდა განთავსდნენ მოსწავლეები და სტუდენტები სასწავლო დაწესებულებებში.

მისივე თქმით, დღევანდელი ეპიდსიტუაციიდან გამომდინარე, სწავლის დაწყებას არანაირი საშიშროება არ ემუქრება.

„სწავლის დაწყება მობილობას გაზრდის და რა თქმა უნდა, სწავლა ვერ იქნება ჩვეულ სტილში, თუ აქამდე ერთ ოთახში იჯდა 20 ადამიანი, ახალა ასე ვეღარ იქნება. იქნება შესაბამისი სტანდარტი, როგორ უნდა დასხდნენ ბავშვები სკოლებში, სტუდენტები – აუდიტორიებში. ასევე, გვექნება პროტოკილი, როგორი უნდა იყოს ეპიდსაწინააღმდეგო ღონისძიებები – ხელების ხშირი დამუშავება, პირბადის გამოყენება. მუშავდება ეს სტანდარტები და დარწმუნებული ვარ, დამყოლობა კარგი იქნება და შევძლებთ, ეპიდსიტუაცია არ გაუარესდეს, თუმცა რისკი დიდია“, – განაცხადა გამყრელიძემ.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი