2020-08-04 18:51:41, 3275 ნახვა
მსოფლიო
ტრამპი - თუ TikTok-ის აქციებს 15 სექტემბრამდე Microsoft შეიძენს, აკრძალვის დოკუმენტს ხელს არ მოვაწერე
აშშ-ს პრეზიდენტმა, დონალდ ტრამპმა განაცხადა, რომ ის ესაუბრა Microsoft- ის ხელმძღვანელობას და მათ TikTok-ის აქციების შეძენა შეთავაზა.
პრეზიდენტმა ასევე აღნიშნა, რომ თუ ამერიკული კომპანია ჩინურ აპლიკაციას შეიძენს, მაშინ მისი აკრძალვა 15 სექტემბრიდან აღარ მოხდება.
შეგახსენებთ, რომ TikTok ჩინური კომპანიის, ByteDance-ის საკუთრებაა. შტატების პრეზიდენტმა კომპანია პირადი ინფორმაციების შეგროვებაში დაადანაშაულა და დაემუქრა, რომ მის მიწოდებას აშშ-ს მასშტაბით აკრძალავდა.
აკრძალვის შესახებ დოკუმენტს ტრამპმა 15 სექტემბერს უნდა მოაწეროს ხელი.
ჩინურ აპლიკაციას ამერიკის ტერიტორიაზე ყველაზე მეტი მომხმარებელი ჰყავს და ამ აკრძალვით TikTok ყველაზე დიდ დანაკარგს მიიღებს.
ავტორი: ექსპრესნიუსი,
epn.ge (@expressnews.ge)
