2020  წლის 9 აგვისტოს ბელარუსში საპრეზიდენტო არჩევნები გაიმართება, რომელშიც მოქმედმა პრეზიდენტმა, ალექსანდრე ლუკაშენკომ ოპოზიციის განეიტრალება ვერ მოახერხა. მისი მთავარი მოწინააღმდეგე დაკავებული კანდიდატის მეუღლე, სვეტლანა ტიხანოვსკაია იქნება.

ბელარუსში მოახლოებული საპრეზიდენტო არჩევნების ყველაზე დიდი სიურპრიზი სვეტლანა ტიხანოვსკაია გახდა. ბოლო დრომდე ყველასათვის უცნობი ახალგაზრდა ქალი ქუჩაში ათასობით მხარდამჭერს აგროვებს და “ევროპის უკანასკნელ  დიქტატორს” უპირისპირდება. სვეტლანა დიასახლისი და ინგლისური ენის თარჯიმანია, არჩევნებამდე პოლიტიკურად სრულიად უცნობი ფიგურა. არჩევნებში მისი მონაწილეობა მას შემდეგ გადაწყდა, რაც ლუკაშენკო ტრადიციულად შეეცადა არჩევნებიდან მთავარი კონკურენტები ჩამოეშორებინა: მისი მეუღლე ბლოგერი სერგეი ტიხანოვსკი დააპატიმრა. 
სინამდვილეში, საპრეზიდენტო არჩევნებში მონაწილეობას სვეტლანას მეუღლე, პოპულარული ვიდეობლოგერი სერგეი ტიხანოვსკი აპირებდა. მაგრამ საინიციატივო ჯგუფების რეგისტრაციის დღეს იგი 15 დღით დააპატიმრეს, ხოლო მისი ჯგუფი რეგისტრაციაში არ გაატარეს. მაშინ სვეტლანამ ყველასათვის მოულოდნელი ნაბიჯი გადადგა: მან ქმრის საინიციატივო ჯგუფი საკუთარ ჯგუფად დაარეგისტრირა.

ციხიდან გამოსვლის შემდეგ სერგეი ტიხანოვსკიმ შეიტყო, რომ ის არა პრეზიდენტობის კანდიდატი, არამედ საკუთარი ცოლის საინიციატივო ჯგუფის ხელმძღვანელია. თუმცა, იგი ამ სტატუსით მხოლოდ ათი დღე სარგებლობდა, რის შემდეგაც იგი ისევ დააპატიმრეს “საზოგადოებრივ წესრიგის უხეშად დარღვევის” გამო. 
ტიხანოვსკაიას საარჩევნო შტაბში გაერთიანდა კიდევ ორი ​​კანდიდატის – ვიქტორ ბაბარიკოს და ვალერი ცეპკალოს  შტაბები, რომლებიც ხელისუფლებამ არ დაარეგისტრირა. პირველი მათგანი, შვილთან ერთად, დაკავებულია, მეორე კი იძულებული გახდა ქვეყანა დაეტოვებინა. შტაბებს ხელმძღვანელობენ ბაბარიკკოს და ციპკალოს ცოლები, ძლიერი სამი ქალი რომლებიც ყველა ძირითად შეკრებაზე ერთად ჩნდება.
"არ ვფიქრობ რომ ისინი, მჩრდილავენ, ჩვენ ხასიათებით განსხვავდებით, მაგრამ სამივე ძლიერი ქალები ვართ" - უთხრა "ბიბისის" ტიხანოვსკაიამ.
შტაბების გაერთიანების შესახებ გადაწყვეტილება მოლაპარაკებების დაწყებიდან 15 წუთში იქნა მიღწეული. 
"ქალები უფრო პრაგმატულებულები ვართ, მოლაპარაკებებში - რაშიც მამაკაცებს საათები დასჭირდებოდათ, ჩვენ 15 წუთში გადავწყვიტეთ" - უთხრა ჟურნალისტებს ვერონიკა ციპკალომ.

ქალაქ გროდნოში გამართულ აქციაზე გამოსვლისას ტიხანოვსკაიამ საკუთარ თავს „ცვლილებების სიმბოლო“ უწოდა და ყველა პოლიტპატიმრის გათავისუფლების პირობა დადო.

მიტინგის მონაწილეებს შორის იყვენენ ოჯახები, რომელთაც თან ახლდნენ მცირეწლოვანი ბავშვებიც. ტიხანოვსკაია მხარდამჭერებს მისი გამარჯვების შემთხვევაში განმეორებითი საპრეზიდენტო არჩევნების ჩატარებას და 1994 წლის კონსტიტუციის დაბრუნებას დაპირდა.

ამავე დღეს ბელარუსის ხალხს სოლიდარობა ფრანკფურტში გამართულ აქციაზე გამოუცხადეს, რომელშიც ევროპარლამენტარი ვიოლა ფონ კრამონიც მონაწილეობდა.
შაბათს მინსკში სვეტლანა ტიხანოვსკაიას მხარდამჭერი აქცია გაიმართა. აქციაზე 63 000-ზე მეტი მოქალაქე იმყოფებოდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო

პაპი ლეონ XIV-ე- სამწუხაროდ, ჟურნალისტების უფლება ხშირად ირღვევა, ზოგჯერ აშკარა გზებით, ზოგჯერ უფრო ფარული ფორმით