მეტი თავდაცვა, დემოკრატია, არაფორმალური მმართველობა, ნატო-ში ინტეგრაცია - ეს ის თემები იყო, რაზეც პარტია „თავისუფალი დემოკრატების“ თავმჯდომარე ირაკლი ალასანიამ 2015 წლის თბილისის საერთაშორისო კონფერენციაზე სიტყვით გამოსვლისას ყურადღება გაამახვილა.

ალასანიას თქმით, თუკი საქართველო ინსტიტუციურად და დემოკრატიულად მზად არ იქნება, ნატო-ში ბოლომდე ინტეგრაცია ძალიან გაჭირდება.

მისივე განცხადებით, საქართველოში არაფორმალური მართვა არსებობს, რაც ქვეყნის განვითარებას ხელს უშლის.

„მეტი თავდაცვისთვის საჭიროა მეტი მონაწილეობა ამერიკის და ევროპის, ჩვენი უსაფრთხეობის და თავდაცვის შექმნაში. მეორე - დემოკრატია. თუ ჩვენ არ ვიქნებით მზად ინსტიტუციურად და დემოკრატიულად ნატო-ში ბოლომდე ინტეგრაცია ძალიან რთული იქნება. აქედან გამომდინარე, ვისაუბრეთ იმ არაფორმალურ მართვაზე, რაც დღეს ხელს უშლის საქართველოს განვითარებას. ჩვენ გვყავს მმართველი, რომელსაც აქვს კონტროლი, მაგრამ არ აქვს არანაირი პასუხისმგებლობა. ამაზე ვრცლად იყო საუბარი და მე მგონია, ამას შემდგომი არჩევნები წერტილს დაუსვამს“, - განუცხადა ირაკლი ალასანიამ ჟურნალისტებს სიტყვით გამოსვლის შემდეგ.

კონფერენცია "ევროპის ახალი გეოპოლიტიკური ლანდშაფტი: უსაფრთხოება, ეკონომიკური შესაძლებლობები, თავისუფლება და ადამიანური ღირსება ფრონტისპირა ქვეყნებში" დღეს გაიხსნა. მასში საქართველოს პრეზიდენტი გიორგი მარგველაშვილი, პარლამენტის თავმჯდომარე დავით უსუფაშვილი, უშიშროების საბჭოს მდივანი ირინე იმერლიშვილი, მინისტრები, ოპოზიციის წარმომადგენლები და უცხოელი ექსპერტები მონაწილეობენ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში