ჯანდაცვის მინისტრი, ეკატერინე ტიკარაძე ამერიკელი კონგრესმენების წერილს გამოეხმაურა და აღნიშნა, რომ წერილში ბიძინა ივანიშვილი ოლიგარქად არ არის მოხსენიებული.

მისივე შეფასებით, ივანიშვილი არა ოლიგარქი, არამედ საქართველოში დემოკრატიის განვითარების გარანტია.

„რაც შეეხება კონგრესმენების წერილს და ასევე არის თუ არა ბიძინა ივანიშვილი ოლიგარქი, ბიძინა ივანიშვილი ნამდვილად არ არის ოლიგარქი. ის პირიქით, საქართველოში დემოკრატიის განვითარების გარანტია. მე დარწმუნებული ვარ, რომ ჩვენი მთავრობა ერთობლივად შევძლებთ და საქართველოში დაიწყება და გაგრძელდება ის დემოკრატიული პროცესები, რომელიც უკვე 8 წელიწადია მიმდინარეობს. როგორც ვიცნობ ამ წერილს, მსგავსი შინაარსი მე მასში არ ამომიკითხავს“, - განაცხადა ეკატერინე ტიკარაძემ.

ცნობისთვის, აშშ-ს სახელმწიფო მდივანს, მაიკ პომპეოს ექვსმა კონგრესმენმა, ჯოდი ერინგტონმა, მარკვეინ მულენმა, ბილ ფლორესმა, უილ ჰარდმა, ბრაიან ბაბინმა და რენდი უებერმა, საქართველოსთან დაკავშირებით წერილით მიმართა.

კონგრესმენები პომპეოს წერენ, რომ საქართველოში დემოკრატიის ვარდნისა და პოტენციური კორუფციის გამო შეშფოთებულები არიან. ამასთანავე, ისინი პომპეოს წერენ, რომ მას შემდეგ რაც რუსი ოლიგარქი ბიძინა ივანიშვილი და მისი პარტია ხელისუფლების სათავეში მოვიდა, ქვეყანა პროგრესისგან უკან იხევს.

ავტორი: ექსპრესნიუსი,

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ