2020-07-22 12:41:46, 6960 ნახვა
მსოფლიო
ნენსი პელოსი კოვიდ19-ს „ტრამპის ვირუსს“ უწოდებს
აშშ-ის კონგრესის წარმომადგენელთა პალატის სპიკერმა, ნენსი პელოსიმ კორონავირუსს „ტრამპის ვირუსი“ უწოდა.
Foxnews-ის წერს, რომ ტრამპმა ამ კვირაში თეთრ სახლში კორონავირუსის სამუშაო ჯგუფების ბრიფინგი გამართა, რომელიც აპრილის მერე პირველად ჩატარდა.
ბრიფინგზე ტრამპი პირბადით გამოჩნდა. მან ამერიკელებს მოუწოდა, რომ ნიღბები ატარონ და გააფრთხილა ისინი, რომ პანდემიის თვალსაზრისით მდგომარეობა, ალბათ, იქამდე „გაუარესდება", ვიდრე უკეთესობისკენ წავა საქმე.
ნენსი პელოსი სწორედ ამ გამოსვლას გამოეხმაურა და აღნიშნა, რომ პრეზიდენტი ტრამპი თავის შეცდომას ნიღბის ტარების აუცილებლობასთან დაკავშირებით, გვიან მიხვდა.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
