დღეს საგანგებო სიტუაციების კოორდინაციისა და გადაუდებელი დახმარების ცენტრის გურჯაანის რაიონულ სამსახურში საერთაშორისო სტანდარტების შესაბამისი რეანიმობილი განთავსდა. მაღალი გამავლობის რეანიმობილი მთელ კახეთს მოემსახურება და  განსაკუთრებით კრიტიკული პაციენტების სამედიცინო დაწესებულებათა შორის ტრანსპორტირებისთვის გამოიყენება.

„დღეს ჩვენმა სამსახურმა გურჯაანის სასწრაფო დახმარებას გადასცა რეანიმობილი, რომელიც მთელ კახეთს მოემსახურება. რეანიმობილი აღჭურვილია უახლესი აპარატურით. ეს არის განსაკუთრებულად მნიშვნელოვანი კრიტიკული პაციენტებისთვის, რომელთა კლინიკიდან კლინიკაში გადაყვანაა აუცილებელი. აღნიშნული კიდევ უფრო გააუმჯობესებს გადაუდებელი დახმარების ხარისხს ქვეყანაში“ - აღნიშნა საგანგებო სიტუაციების კოორდინაციისა და გადაუდებელი დახმარების ცენტრის დირექტორმა ავთანდილ თალაკვაძემ.

დღეს ასევე გაიხსნა გურჯაანის სასწარფო დახმარების ახალი შენობა. აღნიშნულთან დაკავშირებულ ღონისძიებას რეგიონული განვითარებისა და ინფრასტრუქტურის მინისტრის მოადგილე - ილია ბეგიაშვილი, კახეთის მაჟორიტარი დეპუტატი დავით სონღულაშვილი, საგანგებო სიტუაციების კოორდინაციისა და გადაუდებელი დახმარების ცენტრის დირექტორი ავთანდილ თალაკვაძე, კახეთის მხარეში სახელმწიფო რწმუნებული ირაკლი ქადაგიშვილი და გურჯაანის მერი - არჩილ ხანდამაშვილი ესწრებოდნენ.

ავტორი: NS (სტატია დაფინანსებულია),

სოციალური ქსელები

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს

სექსუალურ ძალადობაზე ფედერაციის და კლუბის დუმილი შემზარავია - კოალიცია "ცვლილებისთვის” პასუხისმგებელი პირების დასჯას ითხოვს

ევროკავშირმა ავიაკომპანიები საუდის არაბეთის საჰაერო სივრცეში არსებული საფრთხეების შესახებ გააფრთხილა