აჭარის მთავრობა რესპუბლიკური ბიუჯეტის სარეზერვო ფონდიდან სეტყვის შედეგად დაზარალებულ 1276 ოჯახს 638 681,29 ლარს გამოუყოფს.

ფინანსური დახმარება მიმდინარე წლის ივნისსა და ივლისში ხულოს, შუახევისა და ქედის მუნიციპალიტეტებში მოსული სეტყვის შედეგად დაზარალებულ ოჯახებზე გაიცემა. სტიქიამ ერთწლიანი კულტურები დააზიანა, ზოგიერთ სოფელში კი სრულად გაანადგურა.

დაზარალებული ოჯახების კომპენსირების საკითხი სტიქიური მოვლენების შედეგად მიყენებული ზარალის სალიკვიდაციო შერეული სამთავრობო კომისიის სხდომაზე განიხილეს. სხდომას მინისტრი ზაალ მიქელაძე ხელმძღვანელობდა. სხდომას ესწრებოდნენ მინისტრთა კაბინეტის წევრები და მუნიციპალიტეტების მერები.

კომისიის რეკომენდაციით: • ქედის მუნიციპალიტეტში მცხოვრებ 490 ოჯახზე გამოიყოფა 332 115,335 ლარი • შუახევის მუნიციპალიტეტში მცხოვრებ 199 ოჯახზე 70 636,65 ლარი • ხულოს მუნიციპალიტეტში მცხოვრებ 587 ოჯახზე 235 929,31 ლარი

სამთავრობო კომისიის რეკომენდაცია დასამტკიცებლად აჭარის ა/რ მთავრობის თავმჯდომარეს უახლოეს დღეებში გადაეგზავნება.

2020 წელს აჭარის მთავრობის სარეზერვო ფონდიდან სტიქიის შედეგად დაზარალებული ოჯახების დასახმარებლად ფინანსური დახმარება დღემდე გაიცა 112 ოჯახზე, გამოიყო 1 721 971 ლარი.

ავტორი: NS (სტატია დაფინანსებულია),

სოციალური ქსელები

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს

სექსუალურ ძალადობაზე ფედერაციის და კლუბის დუმილი შემზარავია - კოალიცია "ცვლილებისთვის” პასუხისმგებელი პირების დასჯას ითხოვს

ევროკავშირმა ავიაკომპანიები საუდის არაბეთის საჰაერო სივრცეში არსებული საფრთხეების შესახებ გააფრთხილა