„მსურს მივულოცო ახალი საწარმოს მშენებლობის დაწყება „აჭარა ტექსტილს" - თურქ ინვესტორებს, რომლებიც უკვე ათი წელიწადზე  მეტია შესანიშნავ ქართულ საქმეს აკეთებენ საქართველოში. ფლობენ სამ მსხვილ საწარმოს დასავლეთ საქართველოში, ასაქმებენ 3500 ადამიანს და ამ საწარმოთა რიცხვს შეემატება „ქართლი ტექსტილიც," სადაც დამატებით 3000 ჩვენი თანამემამულე დასაქმდება", - ამის შესახებ ნათია თურნავამ რუსთავში, „აჭარა ტექსტილის" ახალი სამკერვალო საწარმოს მშენებლობის დაწყებისადმი მიძღვნილ ღონისძიებაზე განაცხადა, რომელსაც საქართველოს პრემიერ-მინისტრი გიორგი გახარია, ასევე მთავრობის წევრები და ბიზნესმენები ესწრებოდნენ.

ნათია თურნავას თქმით, ეს არის შესანიშნავი პროექტი და მნიშვნელოვანი ინვესტიცია, რომელიც საქართველოს საექსპორტო პოტენციალის გაძლიერებაში თავის წვლილს შეიტანს, შესაბამისად,  სახელმწიფო, მთავრობა აქტიურად უდგას გვერდში  მსგავს პროექტებს.  „მნიშვნელოვანია, რომ „აჭარა ტექსტილის" საქმიანობის შედეგად ძალიან ბევრმა ქვეყანამ გაიცნო საქართველო. კომპანია წლების მანძილზე თანამშრომლობს ცნობილ მსოფლიო ბრენდებთან და შეგვიძლია ვთქვათ, რომ ბევრი წარჩინებული, ცნობილი მსოფლიო სპორტსმენი ატარებს საქართველოში შეკერილ ფორმას" - განაცხადა მინისტრმა.

ნათია თურნავამ კიდევ ერთხელ ხაზგასმით აღნიშნა, რომ იმ პერიოდში, როდესაც პანდემია იწყებოდა და მთავრობა განსაკუთრებით ვზრუნავდით იმაზე,  რომ საქართველოს მოსახლეობას არ ეგრძნო რომელიმე პირადი დაცვის საშუალების, მათ შორის, პირბადეების დეფიციტი, კომპანია „აჭარა ტექსტილი" ერთ-ერთი პირველი ჩაერთო პირბადეების კერვის სახელმწიფო პროგრამაში და სამი მილიონი პირბადე შეკერა იმ პერიოდში, როდესაც ეს სახელმწიფოსთვის ყველაზე მნიშვნელოვანი იყო.

შპს „ქართლი ტექსტილს"  რუსთავში სამკერვალო საწარმოს მშენებლობა/მოწყობისთვის  სახელმწიფოსგან სიმბოლურ ფასად - 1 ლარად გადაეცა მიწა მასზე განთავსებული შენობა-ნაგებობით, სადაც სამკერვალო საწარმოს ასაშენებლად კომპანია  20 მლნ ლარის ინვესტიციის განხორციელებას გეგმავს. აქედან 10 მლნ ლარი პროგრამის „აწარმოე საქართველოში" ფარგლებში აღებული სესხია. პროექტის ფარგლებში დასაქმდება 3000 ადამიანი, მათ შორის 90% ქალი.

„აჭარა ტექსტილს" უკვე აქვს სამი სამკერვალო ფაბრიკა ბათუმში, ფოთსა და ქობულეთში, სადაც დასაქმებული ჰყავს 3500 ადამიანი. კომპანია  თანამშრომლობს ისეთ წამყვან  საერთაშორისო ბრენდებთან, როგორებიცაა: Nike, ADIDAS, Puma, Lotto, Erima, ახლო მომავალში დამკვეთი კომპანიების რიცხვს შეემატება "New Balance" და "Under Armour". კომპანია 100%-ით ექსპორტზეა ორიენტირებული და წლიურად 15 000 000-ზე მეტი ერთეული პროდუქციის წარმოებას და ექსპორტს ახორციელებს.

ავტორი: NS (სტატია დაფინანსებულია),

სოციალური ქსელები

„დიდი შვიდეულის“ კომუნიკე - უნდა უზრუნველვყოთ, რომ ირანმა არასდროს შექმნას ბირთვული იარაღი

ბენზინის დეფიციტი რუსეთის 50-ზე მეტ რეგიონს შეეხო

„დიდი შვიდეულის“ ქვეყნები შეთანხმდნენ უკრაინისთვის საჰაერო თავდაცვის სისტემებისა და შორი მოქმედების რაკეტების მიწოდების გაზრდაზე

დიდი შვიდეულის ლიდერები შეთანხმდნენ, რომ ნავთობისა და გაზის საშუალებით რუსეთზე ზეწოლას გააძლიერებენ