2020-07-10 12:31:39, 3289 ნახვა

---

კილაძე ელექტრონული კომუნიკაციების კანონპროექტზე - კანონპროექტს არ მივიღებთ აუცილებლად იმ ფორმით, რა ფორმითაც შემოსულია

თუ ელექტრონული კომუნიკაციების კანონპროექტში შესატანი ცვლილებები რაიმე კითხვებს აჩენს, რამაც შესაძლოა მედიის თავისუფლება შეზღუდოს, უნდა მივიღოთ ისეთი ტიპის კანონი, რომელიც კითხვის ნიშანს არ დატოვებს, - ამის შესახებ ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ, სოფო კილაძემ განაცხადა.

მისი თქმით, მმართველი გუნდი არ აპირებს კანონპროექტი იმ ფორმით მიიღოს, რა ფორმითაც შესულია.

„მედია თავისუფლება, სიტყვის თავისუფლება, არჩევნების წინა პერიოდში ნამდვილად დაკვირვების ქვეშ არის, რა თქმა უნდა, ჩვენი მხრიდანაც. ამიტომ, ის შემოთავაზებული ცვლილებები თუ რაიმე კითხვის ნიშანს აჩენს, რომ მედიის თავისუფლება შეიძლება შეიზღუდოს არათანაზომიერად, რა თქმა უნდა, ამ შემთხვევაში ჩვენ უნდა მივიღოთ ისეთი ტიპის კანონი, რომელიც ამ კითხვის ნიშანს არ ტოვებს. მე არ ვიტყოდი, რომ იმ ფორმით რა ფორმითაც არის ეს კანონპროექტი შემოსული, აუცილებლად ამ ფორმით მივიღებთ და დავუჭერთ მხარს“, - განაცხადა სოფო კილაძემ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი