2020-07-04 13:24:16, 6415 ნახვა
რეგიონი
ხობში ავარიის შედეგად 15 წლის მოზარდი დაიღუპა
ხობის მუნიციპალიტეტის სოფელ ქვემო ქვალონში ქვეითად მოსიარულე 15 წლის მოზარდს ავტომანქანა დაეჯახა.
მოზარდი ადგილზევე გარდაიცვალა.
გავრცელებული ინფორმაციით, უბედური შემთხვევა მაშინ მოხდა, როდესაც ბიჭი ქუჩაზე გადასვლას ცდილობდა.
ბავშვის ცხედარი ექსპერტიზაზეა გადასვენებული.
შინაგან საქმეთა სამინისტრომ მომხდარზე გამოძიება სისხლის სამართლის კოდექსის 276-ე მუხლის მე- 6 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.
ავტორი: ექსპრესნიუსი,
epn.ge (@expressnews.ge)
