2020-07-03 14:02:59, 3800 ნახვა
რეგიონი
შუახევში სამთო იალაღებზე მგზავრებს ტრანსპორტი უფასოდ მოემსახურება
სამთო იალარებზე ტრანსპორტირების მომსახურების შესყიდვის მიზნით შუახევის მუნიციპალიტეტის მერიამ ტენდერი გამოაცხადა. სატენდერო თანხა 33 890 ლარია.
ტრანსპორტი მოიალაღეებს 2020 წლის 15 ივლისიდან 15 სექტემბრის ჩათვლით პერიოდში უნდა მოემსახუროს.
მოიალაღეებისთვის მგზავრობა უფასო იქნება კატრიანის, ყავრიანის, გრძელგორის, თაგინურის, ჩირუხის, ღომა - საყენდრიას, ჯანჯღნარის, მერიაყელის, შედრეკილის, თეთრობის, საბერწიას, მაწყვალთის მთის, სანალიას და ძველი მთის მიმართულებით.
პროგრამით, ადგილობრივებთან ერთად ტურისტებიც ისარგებლებენ.
ტენდერში წინადადებების მიღება 2020 წლის 8 ივლისს დაიწყება და 10 ივლისს დასრულდება.
ავტორი: NS (სტატია დაფინანსებულია),
epn.ge (@expressnews.ge)
