დავით ზალკალიანის განცხადებით, დღეს ან ხვალ გახდება ცნობილი, გაუხსნის თუ არა ევროკავშირი საქართველოს საზღვრებს

2020-06-30 13:07:31, 4673 ნახვა

კომენტარი

ოფიციალური გადაწყვეტილება დღეს, მაქსიმუმ ხვალ უნდა იყოს მიღებული ბრიუსელში. ჩემი ინფორმაციით ეს 3-4 დღეა რაც დისკუსია მიმდინარეობს და საბოლოო გადაწყვეტილება ევროკავშირზეა დამოკიდებული - ამის შესახებ საგარეო საქმეთა მინისტრმა, დავით ზალკალიანმა განაცხადა.
მან ასევე აღნიშნა, რომ ოფიციალურ გადაწყვეტილებასთან ერთად, ევროკავშირი გამოსცემს იმ რეგულაციებს, რომელსაც საქართველოს მოქალაქე უნდა დაემორჩილოს ევროკავშირში მოგზაურობის შემთხვევაში.
"ის ინფორმაცია რაც ვრცელდება საქართველოს საზღვრების გახსნის შესახებ, ეს არის მედიის გავრცელებული, ეს უნდა იყოს ოფიციალურად დადასტურებული და მას შემდეგ რაც ევროკავშირი მიიღებს გადაწყვეტილებას და ეს გადაწყვეტილება არ იქნება უბრალოდ საზღვრების გახსნა, ამას შესაბამისი რეგულაციები მოჰყვება, რა რეგულაციებს უწესებს ევროკავშირი საქართველოს მოქალაქეებს, რომლებიც გადაკვეთენ ევროკავშირის საზღვარს. ამიტომ ჩვენ ველით ოფიციალურ დოკუმენტს სადაც იქნება დეტალურად გაწერილი ეს რეგულაციები და ის იქნება ნაცვალგების პრინციპზე დაფუძნებული ჩვენი რეგულაციები, სრულ თავსებადობაში ევროკავშირის გადაწყვეტილებასთან.
ოფიციალური გადაწყვეტილება დღეს, მაქსიმუმ ხვალ უნდა იყოს მიღებული ბრიუსელში. ჩემი ინფორმაციით ეს 3-4 დღეა რაც დისკუსია მიმდინარეობს და საბოლოო გადაწყვეტილება ევროკავშირზეა დამოკიდებული", - განაცხადა დავით ზალკალიანმა.