„წასაგებ ბრძოლაში ზოგი შედის, ზოგი არ შედის“,-ასე გამოეხმაურა რესპუბლიკური პარტიის წევრი  დავით ბერძენიშვილი არასაპარალამენტო და საპარლამენტო ოპოზიციური პარტიების მიერ შუალედური  არჩევნებისთვის ბოიკოტის გამოცხადებას.

ბერძენიშვილის თქმით, მიიღებდნენ თუ არა სხვა პოლიტიკური პარტიების წარმომადგენლები არჩვენებში მონაწილეობას სრულიად ნათელია, რომ „ქართული ოცნების“ კანდიდატები ფავორიტები არიან.

„რაც შეეხება სხვადასხვა პოლიტიკური პარტიების დამოკიდებულებას შუალედური არჩევნების მიმართ სრულიად ნათელია, რომ მიიღებედნენ თუ არა სხვა პოლიტიკური პარტიების  წარმომადგენლები არჩევნებში მონაწილეობას კოალიციის კანდიდაები ფავორიტები არიან. ზოგი იღებს მონაწილებას არჩევნებში, ზოგი არა.  ეს მათი არჩევანია. წასაგებ ბრძოლაში ზოგი არ შედის, ზოგი შედის. თუმცა რესპუბლიკური პარტია რთულ ვითარებაშიც არ აცხადებდა ბოიკოტს და ასლან აბაშიძის მმართველობის   დროს სრულიად ჩაკეტილ, ავტორიტარულ რეჟიმში აჭარაში საკუთარ ამომრჩეველს არ ტოვებდა პოლიტიკური ორიენტირის გარეშე. ეს პოლიტიკის ელემენტარული წესია.  როცა არა აქვთ იმედი, რომ არჩევნებში გაიმარჯვებენ რესურსებს არ ხარჯავენ.  თუმცა იქნება მცდელობა, „პატრიოტთა ალიანსი“ აცხდებს,  რომ გაგვიწიოს კონკურენცია.  ეს ძალიან საინტერესო არჩევნები იქნება. ორი სხვადასხვა ვექტორის მქონე პოლიტიკური ძალის კანდიდატებს შორის გააკეთებს ამომრჩეველი არჩევანს. ეს კონკურენცია კარგია. მე დარწმუნებული ვარ შესამჩნევი უპირატესობით დადასტურდება, რომ ქართველი ხალის არჩევანი არის ევროპული, ევროატლანტიკური  არჩევანი“,-განაცხადა დავით ბერძენიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჰუსიტებმა პირველად შეუტიეს საუდის არაბეთის დედაქალაქს

მოსკოვში „გაზპრომ ნეფტის“ ბენზინგასამართ სადგურებზე დრონით თავდასხმის შემდეგ, ბენზინი გაქრა

IT სპეციალისტ გიორგი კვიცარიძეს რომელმაც პოლიციის განყოფილებაში წამების კადრები მოიპოვა, 17 წელი პატიმრობა შეუფარდეს

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო