მოეღება ამ მოვლენებს ბოლო ოთხ თვეში და დამთავრდება ეს 8 წლიანი ოლიგარქიული ექსპერიმენტი, - ამის შესახებ "ნაციონალური მოძრაობის" წევრმა, რომან გოცირიძემ პრემიერ-მინისტრის, გიორგი გახარიას პარლამენტში ანგარიშის წარდგენამდე, ჟურნალისტებს განუცხადა.

რომან გოცირიძის თქმით, გასული წელი იყო გამორჩეული სისასტიკით და რუსული ორბიტისკენ შემობრუნებით, რაც "ქართული ოცნებისთვის" წარუმატებელი წელიწადია.

"მთავრობის გასული წლის მუშაობის ანგარიში ნათლად აჩვენებს "ქართული ოცნების" ხელისუფლების ბუნებას, ეს არის ძალადობა, სისტიკე, გორში დაარბიეს "ნაციონალური მოძრაობის" ცენტრალური ოფისი, ეს არის წელიწადი, როცა ჩამოიშალა ეკონომიკა, გაუფასურდა ლარი, გაიზარდა ფასები, გაღატაკდა მოსახლეობა, გრძელდებოდა პოლიტიკური დევნა და გვყავდა უამრავი პოლიტპატიმარი. ამ წელიწადს იყო მცდელობა საქართველოს რუსეთის ორბიტისკენ კოდევ ერთხელ შებრუნებისა და გასული წელი გამორჩეული იყო სისასტიკით, როცა აქ კიდევ ერთხელ დაარბიეს და სისხლი დაღვარეს ასეული ახალგაზრდის, რომელიც აპროტესტებდა რუსეთის გავლენის ზრდას საქართველოში. ეს იყო წელიწადი, სადაც გახარია მოგვევლინა ჯალათად და შემდეგ აქ დღეს მოგვევლინება როგორც მთავრობის თავმჯდომარედ. იყო უჩინარი პრემიერის ბახტაძის აბსოლუტურად წარუმატებელი წელიწადი და ცნობილი გახარიას წელიწადი, რომელმაც გააგრძელა "ქართული ოცნების" ტრადიცია, როცა ყოველი წელიწადი უარესი იყო წინაზე. მოეღება ამ მოვლენებს ბოლო ოთხ თვეში და დამთავრდება ეს 8 წლიანი ოლიგარქიული ექსპერიმენტი,"- განაცხადა გოცირიძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ