შუახევის მერი ფრიდონ ფუტკარაძე ჩირუხის მთაში იმყოფებოდა. საზაფხულო იალაღებზე შუბნის, ოლადაურის, უჩამბის და დღვანის სეზონურად მცხოვრებ მოსახლეობას შეხვდა და მთაში არსებული საჭიროებების შესახებ ინფორმაცია პირადად მოისმინა.

მთაში მყოფ ადგილობრივებს ტკბილეული, ბავშვებს საჩუქრად ბურთები, ხოლო რამდენიმე სხვადასხვა საჭიროებების მქონე ბენეფიციარს აჭარის მთავრობის სახელით სასურსათო კალათები მიუტანა და ჯანმრთელობა უსურვა.

ადგილობრივებს შუახევის მერმა, ხეობაში მიმდინარე ინფრასტრუქტურულ პროექტებზე და ჩირუხის მთის ტურისტული განვითარების კონცეფციაზე ესაუბრა. ჩირუხი, როგორც ახალი ტურისტული მიზიდულობის ცენტრი ხელს შეუწყობს ეკოტურიზმის, სოფლის ტურიზმის, სათავგადასავლო ტურიზმის, ხეობის კულტურულ-ეთნოგრაფიული ღირებულებების პოპულარიზაციას, ასევე დასაქმებასა და ადგილობრივი ეკონომიკის განვითარებას.

ფრიდონ ფუტკარაძე აჭარის საავტომობილო გზების დეპარტამენტის შუახევის განყოფილების უფროს ედნარ შარაშიძესთან ერთად ჩირუხის სხვადასხვა უბნებში მიმდინარე გზის სარეაბილიტაციო სამუშაოები დაათვალიერა.

,,შევხვდი მოიალაღეებს და ადგილზე გავეცანი მთაში არსებულ ვითარებას. ვესაუბრე ჩირუხის მთის განვითარებაზე, მიმდინარე პროექტებზე და ინფრასტრუქტურაზე. აღსანიშნავია, რომ მთის სეზონის გახსნამდე მთებში გაიწმინდა მისასვლელი გზები, ამ ეტაპზე მიმდინარეობს მთაში, სხვადსხვა უნების გზის სარეაბილიტაციო სამუშაოები. მოსახლეობას შეუფერხებლად მიეწოდება ელექტროენერგია. მალე ამოქმედდება იალაღებზე უფასოდ გადაყვანის პროგრამა, რომლითაც ისარგებლებენ როგორც ადგილობრივები ასევე ტურისტები“-აღნიშნა ფრიდონ ფუტკარაძემ.

ავტორი: NS (სტატია დაფინანსებულია),

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს