2020-06-17 17:24:47, 1493 ნახვა

---

ვაშაძე კადიროვის მუქარაზე - საგარეო უწყება საერთაშორისო ასპარეზზე ჰიპერაქტიური უნდა იყოს, რათა მეგობარი ქვეყნები საქმის კურსში ჩავაყენოთ

გამოდი თუ ვაჟკაცი ხარ, აიღე პასუხისმგებლობა შენს თავზე და ისაუბრე ამ საკითხებზე, - ასე მიმართა „ახალი საქართველოს“ ლიდერმა გიორგი ვაშაძემ, პრემიერ-მინისტრ გიორგი გახარიას რამზან კადიროვის მუქარასთან დაკავშირებით.

მისი თქმით, საგარეო უწყება უნდა იყოს ჰიპერაქტიური საერთაშორისო ასპარეზზე.

„საგარეო საქმეთა სამინისტრო ამ წყალ-წყალა განცხადებებს კი არ უნდა აკეთებდეს, ახლა საერთაშორისო ასპარეზზე უნდა იყოს ჰიპერაქტიური, რათა ჩვენ მეგობარი ქვეყნები ჩავაყენოთ საქმის კურსში. დასავლეთს აქვს გამოცდილება მსგავს შემთხვევებში. გახარია, რომელიც ემალება ამ საქმეს, მე მშიშარა პრემიერ-მინისტრი არაფერში არ მჭირდება. გამოდი თუ ვაჟკაცი ხარ, აიღე პასუხისმგებლობა შენს თავზე და ისაუბრე ამ საკითხებზე“, - განაცხადა გიორგი ვასაძემ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი