აჭარის ავტონომიური რესპუბლიკის ჯანმრთელობისა და სოციალური დაცვის მინისტრი ნუგზარ სურმანიძე, აჭარის ა/რ მთავრობის აპარატის უფროსი რუსლან ქორიძე, აჭარის ა/რ მთავრობის საერთაშორისო ურთიერთობათა დეპარტამენტის უფროსი ხათუნა ნაყეური და მთავრობის აპარატის სხვა წარმომადგენლები ჩინეთის სახალხო რესპუბლიკის დალიანის მუნიციპალიტეტის მთავრობის საგარეო საქმეთა ოფისის წარმომადგენლებს შეხვდნენ.
აჭარის სოციალური დაცვის სამინისტროს ინფორმაციით,  შეხვედრა გაცნობით ხასიათს ატარებდა. 
მხარეებმა განიხილეს აჭარის ავტონომიური რესპუბლიკისა და დალიანის მუნიციპალიტეტის სამომავლო თანამშრომლობის საკითხები. 
„დალიანის მუნიციპალიტეტი არის ზღვისპირა რეგიონი, რომლის მოსახლეობა აღემატება 6 მილიონს, რეგიონს აქვს უზარმაზარი საპორტო პოტენციალი, მათი გამოცდილება ნებისმიერ სფეროში ჩვენთვის საინტერესოა, ჩვენ ვფიქრობთ მათი გამოცდილება გამოვიყენოთ სხვადასხვა სფეროებში, მათ შორის ჯანდაცვის მიმართულებით“ - აღნიშნა ნუგზარ სურმანიძემ. შეხვედრაზე ასევე, განიხილეს ურთირთთანამშრომლობის მემორანდუმის დეტალები, რომლის გაფორმება დალიანის მუნიციპალიტეტსა და აჭარის ავტონომიური რესპუბლიკის მთავრობას შორის უახლოეს მომავალში იგეგმება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საგარეჯოში თანასოფლელმა ქორწილში მიმავალი ორი ძმა მოკლა, მესამემ თავს გაქცევით უშველა

თბილისის მერია - ე.წ. ცხოველთა დამცველები დაკავებულები არიან დესტრუქციული ქმედებებით - მოვუწოდებთ შესაბამის ორგანოებს, შეისწავლონ საქმე და მისცენ მას სამართლებრივი რეაგირება

კრიშტიანუ რონალდუმ ოფიციალურად დაასრულა სანაკრებო კარიერა

ევროპაში რამდენიმე საათში 16-მა თვითმფრინავმა ბომბის შესახებ შეტყობინება მიიღო