საქართველოს გარემოსა და ბუნებრივი რესურსების დაცვის მინისტრი გიგლა აგულაშვილი და მინისტრის პირველი მოადგილე თეიმურაზ მურღულია ფოთელ მეთევზეებს შეხვდნენ.

როგოგრც „ექსპრესნიუსს“ ფოთის გამგეობის მუნიციპალიტეტიდან აცნობეს,  შეხვედრას, რომელიც ქალაქ ფოთის მუნიციპალიტეტის საკრებულოს სხდომათა დარბაზში გაიმართა, ქალაქ ფოთის მუნიციპალიტეტის მერი ირაკლი კაკულია, საკრებულოს თავმჯდომარე ალექსანდრე თოფურია და ადგილობრივი ხელისუფლების სხვადასხვა წარმომადგენლები ესწრებოდნენ. ფოთელ მეთევზეთა მხრიდან რამდენიმე საკითხი იქნა დასმული: ლიცენზირების, ქვოტების განაწილების, ბადეებისა და თევზსაჭერი სიღრმეების განსაზღვრის, თურქ მეთევზეებთან ურთიერთობის, ქართული თევზჭერის სფეროსათვის პრეფერენციების მიღებისა და თევზსაჭერი ფლოტის განვითარების თაობაზე.

მათივე ინფორმაციით, მინისტრი გაეცნო თევზჭერის სფეროში არსებული პრობლემებს, თევზის მოპოვების საკითხებს და ფოთელ მეთევზეებს კოოპერირების ფორმა შესთავაზა, რომელიც გონივრულ ჩარჩოებში ჩასვამს და გაამარტივებს ურთიერთობას სახელმწიფოსთან, პარტნიორებთან, ინვესტორებთან და გაზრდის კონკურენტუნარიანობას.მთავარი ამოცანაა შიქმნას პრიორიტეტული მოდელი, რომელიც ერთნაირად ხელსაყრელი იქნება სახელმწიფოსათვის, ქართული ეკონომიკის, ქალაქისა და უშუალოდ თევზჭერის ბიზნესით დასაქმებულთათვის, რადგან ისეთი აკვატორიის მქონე ქვეყანაში, როგორიც საქართველოა დაუშვებელია თევზჭერა განუვითარებელი იყოს.

ქალაქის მერმა ირაკლი კაკულიამ მხარი დაუჭირა მინისტრის შემოთავაზებას კოოპერირების შესახებ, რაშიც სამინისტროს ექსპერტთა ჯგუფი კონსულტაციებს გაუწევს ფოთელ მეთევზეებს.
შეხვედრის დასასრულს გარემოს დაცვის სამინისტროს წარმომადგენლებმა ქალაქის ხელმძღვანელობასთან ერთად ადგილზე დაათვალიერეს თევზსაჭერი გემები და ნავმისადგომები. ქალაქის მერმა მადლობა გადაუხადა მინისტრს, მინისტრის მოადგილეს და სამინისტროს სხვა წარმომადგენლებს მეთევზეთა პრობლემებით დაინტერესებისა და თანადგომისათვის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში