გარემოსა და ბუნებრივი რესურსების დაცვის მინისტრმა გიგლა აგულაშვილმა აჭარაში მდინარე ჭოროხის სანაპირო ზოლი სპეციალისტებთან ერთად დაათვალიერა.

როგოგრც „ექსპრესნიუსს“ გარემოს დაცვის სამინისტროდან აცნობეს, გარემოს ეროვნული სააგენტოს წარმომადგენლებმა მინისტრს პლაჟის აღსადგენად განსახორციელებელი სამუშაოებიც გააცნეს, რაც  პლაჟზე ინერტული მასალის ხელოვნურ შეტანას ითვალისწინებს.

უწყების ინფორმაციით,  განხილული იქნა ჭოროხსა და აჭარის წყალზე ჰესების მშენებლობისას მოპოვებული ინერტული მასალის გამოყენება სანაპირო ზოლის დაცვის მიზნით და ინერტული მასალით პლაჟის მომარაგება, რადგან კაშხლების მშენებლობის პროცესში მდინარე ჭოროხს ზღვაში პრაქტიკულად აღარ ჩააქვს მყარი ინერტული მასალა.

მინისტრმა  ბათუმისა და ფოთის ნაპირდაცვის ბაზებიც დაათვალიერა, რომლებიც ამ ეტაპზე რეაბილიტაციას საჭიროებს, ასევე,  ადგილზე გაეცნო ნაპირდაცვის პროექტის მიმდინარეობას, რომელსაც იტალიური კომპანია - „TECHNITAL”-ი ჭოროხის შესართავთან, გამწმენდ ნაგებობასთან და ბათუმის აეროპორტთან ახორციელებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ ამ კვირაში სარატოვში მეშვიდე ნავთობგადამამუშავებელი ქარხანა და ორელში ელექტრონიკის ქარხანა დაბომბა

წარსულში არსებული კონფლიქტის ნიადაგზე, მეზობლად მცხოვრები მამაკაცი გადაჭრილი თოფიდან - ე.წ. აბრეზიდან გასროლით დაჭრა, იგი დააკავეს

ბალისტიკური რაკეტების სამი ტალღა, ხიდზე დარტყმა და ენერგეტიკის სექტორი: ყველაფერი კიევზე თავდასხმის შედეგების შესახებ

ევროპულმა ტელეარხებმა ბომბის შესახებ მუქარა მიიღეს