ჯორჯ ფლოიდის მკვლელობაში ბრალდებული პოლიციელის ცოლმა კელი შოვენმა ბრალდებულ მეუღლესთან განქორწინება გადაწყვიტა. მან ეს გადაწყვეტილება იმ კადრების ხილვის შემდეგ მიიღო, რომელიც ფლოიდის დაკავების დროს სამოყვარულო კამერით იქნა გადაღებული და დღეს ინტერნეტში თავისუფალ წვდომაში გახლავთ. 

შეგახსენებთ, რომ ოფიცერ ჯეკ შოვენს გუშინ 29 მაისს მესამე ხარისხის მკვლელობაში ბრალი წაუყენეს.
პოლიციელის მხრიდან მინეაპოლისში (აშშ) მომხდარმა ძალადობრივმა აქტმა, ამერიკაში ახალი ვნებათაღელვის ტალღა გამოიწვია. ქალაქის მოსახლეობა პოლიციის მხრიდან აფროამერიკელების მიმართ ძალის არარელევანტურ და გადაჭარბებულ გამოყენებას უკიდურესი ფორმით აპროტესტებს. განადგურებულია ქალაქის ინფრასტრუქტურა-დამწვარია რამდენიმე მაღაზია, დაზიანებულია ათეულობით ავტომობილი , აგრეთვე აქციის მონაწილეებმა დაწვეს პოლიციის შენობა. 
ყველაფერი ეს იმის გამო მოხდა, რომ პოლიციელმა განიარაღებული და ბორკილებში მყოფი ფლოიდი მიწაზე დააწვინა და კისერზე მუხლით შესდგა. დაკავებულის მხრიდან ვედრების მიუხედავად პოლიციელი სასუნთქ გზებზე დაწოლას აგრძელებდა. მედიკოსების ვარაუდით, სწორედ ამ ძალადობრივი აქტის შედეგად დაკავებულმა ჯერ გონება დაკარგა, ხოლო შემდეგ, სასწრაფო დახმარების მანქანაში გარდაიცვალა. 
მკვლელობაში ბრალდებული ოფიცრის ჯეკ შოვენის მეუღლის, კელი შოვენის ადვოკატმა "ინსაიდერს" იმის შესახებ უთხრა, რომ ქალბატონმა განწორწინება გადაწყვიტა:"ის განადგურებულია იმით, რაც კადრებზე ნახა".

ავტორი: გიორგი ბაზაევი, ექსპრესნიუსის რეპორტიორი 2010 წლიდან

სოციალური ქსელები

აშშ-ის სანქციების გამო, თურქეთმა ირანთან საავიაციო და საბანკო ურთიერთობების გაწყვეტა დაიწყო

ევროკავშირმა, საფრანგეთისა და ლუქსემბურგის ზეწოლის ქვეშ, უსმანოვისა და ფრიდმანის წინააღმდეგ სანქციები მოხსნა

გერმანიაში, ამერიკულ საჰაერო ბაზაზე თვითმფრინავი ჩამოვარდა, პილოტი კატაპულტირების შემდეგ გადარჩა

აზერბაიჯანმა ირანული ავიაკომპანიების რეისები აშშ-ის სანქციების გამო შეაჩერა.