2020-05-26 11:12:35, 1181 ნახვა

---

საქართველოს პრეზიდენტი - ყოველთვის უნდა გვახსოვდეს, რომ საქართველოს დამოუკიდებლობის გარანტი ჩვენი თავდაცვის ძალებია

საქართველოს პრეზიდენტი სალომე ზურაბიშვილი, მოქალაქეებს დამოუკიდებლობის დღეს ულოცავს.

მისი თქმით, ყოველთვის უნდა გვახსოვდეს, რომ საქართველოს დამოუკიდებლობის გარანტი ჩვენი თავდაცვის ძალებია და მათთან ერთად შეკრული და ძლიერი საზოგადოება.

„გილოცავთ დამოუკიდებლობის დღეს. დღეს უჩვეული 26 მაისია. საზოგადოებას არ ეძლევა საშუალება თავდაცვის ძალებთან ერთად სრულფასოვანი მონაწილეობა მიიღოს დამოუკიდებლობის დღის აღნიშვნაში ეს გამოწვეულია იმ კრიზისული მდგომარეობით, რაშიც ჯერ კიდევ ვიმყოფებით. ამ ვითარების მიუხედავად, ჩვენი აქ მოსვლითა და თავდაცვის ძალებთან დგომით გამოვხატავთ ამ დღის მნიშვნელობას საქართველოსთვის. ყოველთვის უნდა გვახსოვდეს, რომ საქართველოს დამოუკიდებლობის გარანტი ჩვენი თავდაცვის ძალებია და მათთან ერთად შეკრული და ძლიერი საზოგადოება“, - განაცხადა სალომე ზურაბიშვილმა.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი