სოფელ აღაიანში საბავშო ბაღის სარეაბილიტაციო და ცენტრალური გათბობის   სამუშაოების მიმდინარეობა კასპის მუნიციპალიტეტის მერის მოვალეობის შემსრულებელმა თამაზ ტატანაშვილმა,  მისმა მოადგილემ ზაზა მარიდაშვილმა და კასპის მუნიციპალიტეტის საკრებულოში აღაიანის მაჟორიტარმა დეპუტატმა ქიტესა ხოდელმა ადგილზე მოინახულეს.

მუნიციპალიტეტის მერიის მიერ გამოცხადებულ ელექტრონულ ტენდერში  გამარჯვებულმა შპს „მშენკომპლექსმა“ სამუშაოები  შენობის დაზიანებული ადგილების დემონტაჟით დაიწყო. ამჟამად შენობის სახურავის შეცვლა მიმდინარეობს. პროექტით  შენობა თანამედროვე სტანდარტების გათვალისწინებით იქნება აღდგენილი და აღსაზრდელები დღის განმავლობაში  კომფორტულ პირობებში  იქნებიან.

„სოფელში საბავშო ბაღი რამოდენიმე წელი  არ ფუნქციონირებდა. შენობის ნაწილი  6 წლის წინ შეკეთდა და მხოლოდ ერთი  სააღმზრდელო ჯგუფი იქნა აღდგენილი. ბავშვთა კონტიგენტიდან გამომდინარე საჭირო გახდა მთელი შენობის რეაბილიტაცია, რათა საბავშო ბაღი  სოფლის ყველა ბავშვისთვის იყოს ხელმისაწვდომი. სარეაბილიტაციო სამუშაოები ოკამის საბავშო ბაღშიც მიმდინარეობს, ხოლო ახალი ბაღები შენდება სადგურ მეტეხსა და სოფელ გრაკალშიც“,  - აღნიშნა თამაზ ტატანაშვილმა.

აღაიანის საბავშო ბაღის სარეაბილიტაციო სამუშაოების  ღირებულება 278  913 ლარია, რომელიც მუნიციპალიტეტის ადგილობრივი ბიუჯეტიდან დაფინანსდა.

ავტორი: NS (სტატია დაფინანსებულია),

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს