„ნაციონალური მოძრაობის“ თავმჯდომარის, რომან გოცირიძის განცხადებით, დღეს საზოგადოებრივი ჯანდაცვის შესახებ კანონპროექტი ფაქტობრივად ჩავარდა.

მისი თქმით, არ უნდა თქვა „ჰოპლა, სანამ არ გადახტები“.

„როგორც იტყვიან, ბრძოლას ყოველთვის აქვს აზრი. დღეს ეს კანონპროექტი ფაქტობრივად ჩავარდა. აი ამ ძალიან დიდი ზეწოლის, ჩვენი არგუმენტების, არასამთავრობო სექტორის, საზოგადოების, სპეციალისტების მიერ განხორციელებული შტურმის შედეგად ხელისუფლებამ უკან დაიხია და ფაქტობრივად კაპიტულაცია გამოაცხადა. მიხვდნენ რომ ეს იყო ანტიკონსტიტუციური კანონი.

სახის შენარჩუნების მიზნით გამოაცხადეს, რომ ეს კანონი იმუშავებს დაახლოებით ერთი თვე. იქნება გარდამავალ დებულებაში ჩაწერილი ის ანტიკონსტიტუციური ნორმები, რომლის მიღებასაც ჩვენ ვეწინააღმდეგებოდით და ერთი თვის გასვლის შემდეგ ეს ისტორია მორჩება, აი ეს არის შედეგი ერთობლივი ძალისხმევისა.

ნუ იტყვი ჰოპლას სანამ არ გადახტები. დღეს არ გავატანინეთ „ქართულ ოცნებას ის, რაც საქართველოს დემოკრატიას უკან დახევდა“, - განაცხადა რომან გოცირიძემ.

შეგახსენებთ, რომ დღეს პარლამენტმა საზოგადოებრივი ჯანდაცვის შესახებ კანონპროექტს პირველი მოსმენით მხარი დაუჭირა (80 მომხრე, 3 წინააღმდეგი), ცვლილებების თანახმად, აღნიშნული კანონპროექტით მთავრობას შემზღუდავი ღონისძიებების გატარება ქვეყანაში საგანგებო მდგომარეობის გამოცხადების გარეშეც შეეძლება. თუმცა დასასრულს ირაკლი კობახიძე გამოვიდა ინიციატივით, რომ კანონპროექტით გათვალისწინებული შეზღუდვები იყოს დროებითი.

„მანამდე საკონსტიტუციო ცვლილებებიც იქნება მიღებული და გარდამავალი დებულებები დაკარგავს თავის აქტუალურობას. ეს არის სპონტანური იდეა და დღესვე ეს იდეა განვიხილოთ", - განაცხადა ირაკლი კობახიძემ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

თიბისი კაპიტალის მხარდაჭერით, რიკო ექსპრესმა $10 მილიონის ობლიგაციები გამოუშვა

კახა კალაძე Kordz-ის კონცერტის გაუქმებაზე: როდესაც სცენას იყენებ იმისთვის, რომ ვიღაცას შეურაცხყოფა მიაყენო, ეს კატეგორიულად მიუღებელია

კალაძე რუსთაველის პროტესტის მონაწილეებს: როდესაც უცხო ქვეყნის წარმომადგენლები საკუთარი ინტერესების გასატარებლად, სამშობლოს წინააღმდეგ გიყენებენ - ძალიან მძიმეა

დევდორაკის ხეობაში მეწყერის საფრთხის დონე მოხსნილია, მუშაობა განაახლა გამშვებმა პუნქტმა დარიალმა